సచిన్ ఆత్మకు శాంతా..? ఘోర తప్పిదం!

Posted: 11/29/2014 08:25 PM IST

భారత మాజీ క్రికెట్ దిగ్గజం సచిన్ టెండూల్కర్ వ్యవహారంపై ఓ ఆంగ్లదినపత్రిక ఘోర తప్పిదం చేసింది. ఆ పత్రిక చేసిన పొరబాటువల్ల ఇండియన్ క్రికెట్ అభిమానులతోబాటు దిగ్గజాలు సైతం ఒక్కసారిగా షాక్ తిన్నారు. ‘‘సచిన్ ఆత్మకు శాంతి కలగాలి’’ అంటూ ప్రచురించిన ఆ పత్రిక పెనుసంచలనానికి దారితీసింది.

విషయం ఏంటంటే.. ఆసీస్ క్రికెటర్ ఫిల్ హ్యూస్ మరణించడంతో తీవ్ర దిగ్భ్రాంతికి గురైన సచిన్ ట్విటర్’లో అతనికి సంతాప ప్రకటన చేశాడు. ‘‘హ్యూస్ ఆత్మకు శాంతి కలగాలి’’ అని అతడు ట్వీట్ చేశాడు. అయితే ఆ సందేశమే పత్రికలో కాస్త తప్పుగా ప్రచురితమైంది. ’‘సచిన్ ఆత్మకు శాంతి కలగాలి’’ అంటూ ఆ పత్రికవారు ప్రచురించారు.

అంతే! సచిన్ ఫ్యాన్స్’తోబాటు క్రికెట్ అభిమానులందరూ ఆ పత్రికపై మండిపడ్డారు. వారు తప్పుగా ప్రచురించిన తరహాలోనే వీళ్లు ‘‘ఆ పత్రిక ఆత్మకు శాంతి కలుగుగాక’’ అంటూ ట్వీట్ల వర్షం కురిపించాడు. అయితే ఈ వార్తపై సచిన్ ఇంతవరకు స్పందించలేదు. మరి ఆయన ఎలా రెస్పాండ్ అవుతాడో వేచి చూడాలి!

AS