ఎన్నికల్లో గెలుపే టార్గెట్ గా రాహుల్ విమర్శలు

Posted: 11/29/2014 07:29 AM IST

ప్రధాని నరేంద్రమోడిపై కాంగ్రెస్ ఉపాధ్యక్షుడు రాహుల్ గాంధీ విమర్శలు చేశారు. జార్ఖండ్ లోని చాయ్ బాసాలో జరిగిన ఎన్నికల ప్రచారంలో పాల్గొన్న రాహుల్, స్వచ్ఛ భారత్ కార్యక్రమంను తప్పుబట్టారు. కాంగ్రెస్ అధికారంలోకి వస్తే ప్రజలను చీపుర్లు పట్టుకోమని చెప్పమన్నారు. ప్రజలకు ఉపాధి కల్పన కోసం ప్రభుత్వం కృషి చేస్తుందన్నారు. బీజేపి ప్రభుత్వం కార్పోరేటు వ్యక్తుల కోసం పని చేస్తోంది తప్ప పేదల కోసం కాదని ఆరోపించారు.

కాంగ్రెస్ ప్రభుత్వం ప్రవేశపెట్టిన ప్రజోపయోగ పధకాలను కాలంచెల్లిన పధకాలు అంటూ బీజేపి ప్రభుత్వం తొలగిస్తోందని విమర్శించారు. ఝార్ఖండ్ లో అధికారంలోకి వస్తే రాష్ట్రాన్నిఅభివృద్ధి పధంలో తీసుకెళ్తామన్నారు. రాష్ట్ర ప్రజలకు ఉద్యోగాలు వచ్చి, సమస్యలు పరిష్కారం అయ్యేలా  చొరవ తీసుకుంటామని చెప్పారు. ఈ ఎన్నికల ప్రచారంలో రాహుల్ సహా పలువురు కాంగ్రెస్ నేతలు పాల్గొన్నారు.