ఎన్టీఆర్ మృతిపై విచారణ కోరుతూ కేసీఆర్ కు లక్ష్మీపార్వతి లేఖ

Posted: 11/28/2014 04:34 PM IST

తెలంగాణ ముఖ్యమంత్రి కేసీఆర్కు శుక్రవారం వైఎస్ఆర్ కాంగ్రెస్ పార్టీ నేత స్వర్గీయ ఎన్టీయార్ సతీమణి లక్ష్మీపార్వతి లేఖ రాశారు. శంషాబాద్ విమానాశ్రయం దేశీయ టర్మినల్ కు స్వర్గీయ ఎన్టీ రామారావు పేరును కోనసాగించాలని కోరుతూ ఆమె లేఖలో అభ్యర్థించారు. ఎన్టీఆర్ శిష్యుడిగా తన అభ్యర్థనను మన్నించి పేరును కోనసాగించాలని ఆమె లేఖలో కోరారు. దీంతో పాటు రాష్ట్ర ముఖ్యమంత్రి స్వర్గీయ ఎన్టీఆర్ మరణంపై సిట్టింగ్ జడ్జితో విచారణ జరిపించాలని ఆమె తన లేఖలో కోరారు.
 
కుట్ర, మోసంతో ఎన్టీఆర్కు వెన్నుపోటు పొడిచి...ఆయన మరణానికి చంద్రబాబు కారకులయ్యారని అమె ఆ లేఖలో పేర్కోన్నారు.. నెపం తనపై నెట్టి తనను దోషిగా చూపే ప్రయత్నం చేశారన్నారు. ఎన్టీఆర్ మరణం వెనుక వాస్తవాలు ప్రపంచానికి తెలియాలని అందుకోసమే ఎన్టీయార్ మరణంపై విచారణ జరపించాలని ఆమె తన లేఖలో అభ్యర్థించారు. చంద్రబాబు ఓ వర్గం మీడియాను అడ్డు పెట్టుకుని వాస్తవాలు కప్పిపుచ్చారని వాటిని తెలంగాణ ప్రభుత్వ విచారణ ద్వారా ప్రపంచానికి తెలియజేయాలని లక్ష్మీపార్వతి కోరారు.

జి మనోహర్