ఎబోలాతో భారత్ చేరిన దేశీయుడు మృతి

Posted: 11/27/2014 11:23 AM IST

Indian from liberia who was detected with ebola virus dies says health ministry

భారత్ దేశంలో తొలి ఎబోలా మరణం సంభవించింది. కేంద్ర ఆరోగ్య శాఖ అధికారుల అప్రమత్తతో ఈ వ్యాధి భారత్ లోకి అడుగుపెట్టకుండా అధికారులు తీసుకున్న చర్యలు సఫలమయ్యాయి. ఎబోలా వైరస్ బారిన పడిన భారతీయ వ్యక్తి మహ్మద్ అమీర్ మృతి చెందాడు. ఈ విషయాన్ని కేంద్ర ఆరోగ్య శాఖ ధృవీకరించింది. లైబీరియాలో ఓ ఫార్మా కంపెనీలో పని చేస్తున్న అమీర్ ఈ నెల 10వ తేదీన భారత్ కు వచ్చాడు. ఈక్రమంలోనే అతనికి ఢిల్లీ విమానాశ్రయంలో ఎబోలా పరీక్షలు నిర్వహించారు. దీంతో అతని వీర్యం నమూనాలలో ఎబోలా వైరస్ వుందని తేలింది.

అంతకుముందు లైబీరియాలో సెప్టెంబర్ 7న ఎబోలా వ్యాధి భారిన పడిన అమీర్ అక్కడే వ్యాధికి చికిత్స చేయించుకున్నాడు. అతనికి వ్యాధి తగ్గిన అనంతరం నిర్వహించిన రక్త పరీక్షల్లో ఎబోలా లేదని తేలింది. అయితే భారత్ కు రాగానే అతనికి నిర్వహించిన వీర్యం నమూనాల పరీక్షలో ఎబోలా లక్షణాలు కనిపించడంతో భారత అధికారులు అతన్నివిమానాశ్రయంలోనే ప్రత్యేక ఏర్పాటుతో విడిగా ఉంచి చికిత్స అందించారు. చికిత్స పోందుతున్న అమీర్, పరిస్థితి విషమించడంతో మృతి చెందినట్లు ఆరోగ్య శాఖ స్పష్టం చేసింది. ఇదిలా ఉండగా దేశంలో ఇదే తొలి ఎబోలా కేసుగా భావిస్తున్నారు.

జి.మనోహర్