అనారోగ్యంపై డిస్కో శాంతి క్లారిటీ

Posted: 11/24/2014 04:20 PM IST

దివంగత నటుడు శ్రీహరి భార్య డిస్కోశాంతి తన ఆరోగ్యంపై స్పందించింది. ఆరోగ్య పరిస్థితిపై కొద్దిరోజులుగా సోషల్ మీడియాలో వస్తున్న కథనాలపై తొలిసారి మీడియా ముందుకు వచ్చి వివరణ ఇచ్చింది. తాను తీవ్ర అస్వస్థతో ఉన్నట్లు వచ్చిన పుకార్లను తోసిపుచ్చింది. సోషల్ మీడియాలో వస్తున్న వార్తలు అవాస్తవమనీ.., తాను ఆరోగ్యంగా ఉన్నట్లు తెలిపింది. అయితే పచ్చ కామెర్లతో కాస్త అనారోగ్యం పాలయ్యానని.., ప్రస్తుతం మాత్రం ఏ ఇబ్బంది లేకుండా ఉన్నట్లు వివరణ ఇచ్చింది. ప్రస్తుతం చెన్నైలోని సోదరి ఇంట్లో ఉన్నట్లు వెల్లడించింది.

సోషల్ మీడియాలో వచ్చిన పుకార్ల వల్ల కంగారుపడ్డ తన కుమారులు తరుచుగా ఫోన్ చేసి ఆరోగ్య పరిస్థితిపై ఎప్పటికప్పుడు సమాచారం తీసుకుంటున్నారని తెలిపింది. దయచేసి పుకార్లు పుట్టించకండి అని సోషల్ మీడియాను శాంతి విజ్ఞప్తి చేసింది. ఆధారాలు లేని పుకార్లు, గాలి వార్తల వల్ల తన కుమారుల మనోధైర్యం దెబ్బతినే ప్రమాదం ఉందని అలా ఎవరూ చేయవద్దని శాంతి కోరింది.

కార్తిక్