డాక్టర్ అమీబెరాకు ఏఏహెచ్ఓఏ శుభాకాంక్షలు

Posted: 11/22/2014 02:56 PM IST

Aahoa congratulates bera on re election to us congress

అగ్రరాజ్యం అమెరికా చట్టసభకు జరిగిన మధ్యంతర ఎన్నికలలో సత్తా చాటి మరోసారి ఎన్నికైన ఇండియన్ అమెరికన్ అమీ బెరాకు అమెరికాలో శక్తివంతవంతగా వున్న ఆసియన్ అమెరికన్ హోటల్ ఓనర్స్ అసోసియేషన్ (ఏఏహెచ్ఓఏ) శుభాకాంక్షలు తెలిపింది. అమీ బెరాకు మద్దతు ఇస్తున్నందుకు తామంతా గర్విస్తున్నామని తెలిపింది. ఈ మేరకు ఏఏహెచ్ఓఏ ఛైర్మన్ ప్రతీక పటేల్ విడుదల చేసిన ప్రకటనలో వెల్లడించారు. యూఎస్ చట్టసభకు ఎన్నికైనా అమీ బెరా ఏఏహెచ్ఓఏలో సభ్యుడని ఆమె గుర్తు చేశారు.

ఆయనతో పని చేస్తూ అతిథ్య రంగాన్ని కొత్త పుంతలు తొక్కిస్తామని తెలిపారు. దాదాపు పక్షం రోజుల క్రితం జరిగిన కాలిఫోర్నియాలో జరిగిన మధ్యంతర ఎన్నికల్లో అమీబెరా గెలుపొందారు. 2012లో అమీబెరా యూఎస్ హౌస్ ఆఫ్ రిప్రజెంటేటీవ్స్కు ఎన్నికయ్యారు. యూఎస్ చట్టసభకు ఎన్నికైన మూడో ఇండియన్ అమెరికన్గా అమీబెరా చరిత్ర సృష్టించారు. మరోమారు కాలిఫోర్నియా నుండి ఎన్నికైన ఆయనకు అమెరికన్ భారతీయులు కూడా శుభాకాంక్షలను తెలిపారు. ఇంతకుముందు బాబీ జిందాల్, దలిప్ సింగ్ సంద్లు ఎన్నికయ్యారు.

జి.మనోహర్