కేంద్రమంత్రులను కలవనున్న చంద్రబాబు

Posted: 11/21/2014 10:52 AM IST

Andhra pradesh chief minister chandrababu reached delhi to meet central ministers

ఆంధ్రప్రదేశ్‌ ముఖ్యమంత్రి చంద్రబాబునాయుడు ఇవాళ ఉదయం ఢిల్లీ చేరుకున్నారు. ఢిల్లీ పర్యటనలో భాగంగా పలువురు కేంద్రమంత్రులతో ఆయన సమావేశం కానున్నారు. నదుల అనుసంధానంపై హస్తినలో జరుగుతున్న సదస్సులో బాబు పాల్గొననున్నారు. ఒంటి గంటకు కేంద్రమంత్రి నిర్మలా సీతారామన్‌తో చంద్రబాబు సమావేశంకానున్నారు. ఆ తరువాత ప్రపంచ బ్యాంకు ప్రతినిధులను కలసి ఆంధ్రప్రదేశ్ రాష్ట్ర పునర్నిర్మాణానికి సహకరించాల్సిందిగా కోరునున్నారు.

అనంతరు మధ్యాహ్నం 2 గంటలకు పంజాబ్‌ డిప్యూటీ సీఎం సుఖ్‌దేవ్‌సింగ్‌ చంద్రబాబును కలువనున్నారు. 3 గంటలకు రైల్వే మంత్రి సురేష్‌ ప్రభుతో భేటీ అయ్యి విశాఖకు ప్రత్యేక రైల్వే జోన్, ఆంధ్రప్రదేశ్ కు బడ్జెట్ లో కేటాయించిన పలు ప్రాజెక్టులకు నిధులను కేటాయించాల్సిందిగా కోరనున్నారు. సాయంత్రం 4:30 గంటలకు ఆర్థిక మంత్రి అరుణ్‌జైట్లీతో, 5:15 గంటలకు రవిశంకర్‌ప్రసాద్‌, 6 గంటలకు గడ్కరీతో చంద్రబాబు సమావేశం కానున్నారు. హోంమంత్రి రాజ్‌నాథ్‌ను సైతం చంద్రబాబు కలిసే అవకాశం ఉన్నట్లు తెలుస్తోంది.

జి.మనోహర్