గతేడాది పోయింది.. ఇప్పుడు దొరికింది..

Posted: 11/19/2014 11:27 AM IST

అరబిందో ఫార్మా వైస్ చైర్మన్ నిత్యానందరెడ్డిపై కాల్పులు జరిపిన వ్యవహరాంలో కేంద్రబిందువుగా మారిన ఏకే-47 గన్ ఎక్కడిది..? నగరంలో యధేశ్చగా ఏకే 47 గన్ లను తీసుకువచ్చి. సరఫరా చేస్తున్నవారెవ్వరూ అన్న ప్రశలకు ఉదయిస్తున్నాయి. ఏకే 47 తీసుకుని నగరంలో 5.3 అడుగుల ఎతైన మనిషి యధేశ్చగా ఎలా సంచరించాడు. కేబీఆర్ పార్కు వరకు వచ్చి అరబిందో ఫార్మ వైస్ చైర్మన్ నిత్యానంద రెడ్డిని ఎలా టార్గెట్ చేశాడు..? నగర నడిబొడ్డునే ఈ ఘటన జరిగినా.. ముందస్తుగా పోలీసులు పసిగట్టలేక పోయారు. అంతర్జాతీయ పోలిసింగ్ వ్యవస్థను తీసుకువస్తామన్ని చెప్పిన ప్రభుత్వ ప్రకటనలు ఎప్పడు నిజం కానున్నాయి

ప్రభుత్వ అదేశాల మేరకు అడుగడుగునా సీసీ కెమెరాలను ఏర్పాటు చేశామని, వాటిని నిత్యం పోలీసులు పర్యవేక్షిస్తారని చెప్పుకోచ్చిన పోలీసు ఉన్నతాధికారుల మాటలు నీటి మూటలుగానే మారుతున్నాయడానికి ఈ ఘటన నిదర్శనంగా నిలుస్తుంది. కాగా నిత్యానంద రెడ్డి కాల్పుల వ్యవహారంలో కొత్తకోణం వెలుగు చూసింది. ఆగంతకుడు కాల్పులు జరిపిన ఏకే 47 ...గత ఏడాది చోరీకి గురైనట్లు తెలుస్తోంది.  అటు ఘటనా స్థలాన్ని హైదరాబాద్ పోలీస్ కమీషనర్ మహేందర్ రెడ్డి పరిశీలించారు.

అనంతరం ఆయన మీడియాతో మాట్లాడుతూ దుండగుడు ఏకే 47 ఉపయోగించాడని... ఆ గన్... ఏడాది క్రితం గ్రేహౌండ్స్ పోలీసుల వద్ద చోరీకి గురైనట్లు తెలిపారు. సాయంత్రంలోగా కేసును ఛేదిస్తామని సీపీ వెల్లడించారు. ఏకె 47 చోరీకి గురైనట్లు గ్రేహౌండ్స్ కమాండర్ శ్రీనివాస్ గత ఏడాది ఫిబ్రవరి 3వ తేదీన నార్సింగి పోలీస్ స్టేషన్లో ఫిర్యాదు చేయగా పోలీసులు కేసు నమోదు చేశారు. అదే గన్ను ఆగంతకుడు కాల్పులకు ఉపయోగించినట్లు తెలుస్తోంది. అయితే అది ఈ గన్ నేనా లేక మరోకటా అన్నది కూడా నిర్ధారించాల్సి వుంది.

జి.మనోహర్