తెలంగాణ అసెంబ్లీలో కొనసాగుతున్న సస్పెన్షన్ల పర్వం..

Posted: 11/18/2014 01:07 PM IST

దేశ 29వ రాష్ట్రంగా అవిర్భవించిన తెలంగాణ రాష్ట్రంలో.. ఆదర్శవంతంగా నిలవడానికి బదులు.. పాత పద్దతులనే అశ్రయిస్తోంది ప్రభుత్వం. అసెంబ్లీ బడ్జెట్ సమావేశాల్లో టీడీపీ ఎమ్మెల్యేల సస్పెన్షన్ ప్రారంభమై.. ఇక ఇతర పార్టీలకు చెందిన శాసనసభ్యుల సస్పెన్షన్లు కోనసాగుతూనే వున్నాయి. సభా కార్యక్రమాలకు విఘాతం కలిగిస్తున్నారని..వారం రోజుల పాటు తెలంగాణ టీడీపీ ఎమ్మెల్యేలను సస్పెండ్ చేసిన స్పీకర్.. ఆ తరువాత..ఇవాళ  కాంగ్రెస్ సభ్యులపై కూడా అదే అస్త్రాన్ని ప్రయోగించారు. పార్టీ ఫిరాయింపుల విషయమై సభలో చర్చ జరగాలని పట్టబట్టిన కాంగ్రెస్ ఎమ్మెల్యేలపై ఒక్కరోజు పాటు సస్పెన్షన్ వేటు పడింది.

సభా కార్యక్రమాలకు అంతరాయం కలిగించటంతో స్పీకర్ మధుసుదనాచారి ఇవాళ సభ నుంచి  జానారెడ్డి మినహా 13మంది కాంగ్రెస్ సభ్యులను సస్పెండ్ చేశారు. సభ్యుల సస్పెన్షన్ను మంత్రి హరీష్ రావు ప్రతిపాదించారు. సస్పెండ్ అయిన సభ్యులు జీవన్ రెడ్డి, డీకె అరుణ, మల్లు భట్టి విక్రమార్క, సంపత్ కుమార్, కోమటిరెడ్డి వెంకటరెడ్డి, గీతారెడ్డి, పువ్వాడ అజయ్ కుమార్, ఉత్తమ్ కుమార్ రెడ్డి, పద్మావతి రెడ్డి, భాస్కరరావు, రాంరెడ్డి వెంకటరెడ్డి, కృష్ణారెడ్డి, రామ్మోహన్ రెడ్డిలు వున్నారు.
 

జి.మనోహర్