‘కండ్రిగ’ కోసం మోదీని పక్కనపెట్టిన సచిన్..!

Posted: 11/15/2014 07:40 PM IST

భారత క్రికెట్ దిగ్గజం, రాజ్యసభ సభ్యుడు సచిన్ టెండూల్కర్ నెల్లూరి జిల్లాలోని పుట్టంరాజువారి కండ్రిగను దత్తత తీసుకున్న విషయం అందరికీ తెలిసిందే! ఒకనాడు విదేశాల నుంచి ఇండియాకు తిరిగివస్తున్ననేపథ్యంలో సచిన్ కు నెల్లూరు జిల్లా జాయింట్ కలెక్టర్ రేఖారాణితో పరిచయం ఏర్పడింది. ఆ సందర్భంలో ఆమె కండ్రిగ గ్రామం అభివృద్ధి పరిచేందుకు దానిని దత్తత తీసుకోవాలంటూ ఆమె కోరింది. ఆమె విజ్ఞప్తి ప్రకారం సచిన్ ఆ గ్రామాన్ని దత్తత తీసుకోవడం జరిగింది. ప్రస్తుతం ఆయన ఆ గ్రామాన్ని సందర్శించే కార్యక్రమాల్లో బిజీగా వున్నారు.

ఇదిలావుండగా... ప్రధాని నరేంద్రమోడీతోపాటు సచిన్ కు కూడా ఆస్ట్రేలియాలో పర్యాటించే అవకాశం వచ్చింది. అక్కడ జరగబోయే కార్యక్రమాల్లో భాగంగా మోడీతోపాటు సచిన్ హాజరు కావాల్సి వుండేది. ప్రధాని తన కార్యాలయం నుంచి స్వయంగా ఆహ్వానించినా.. అతను ముందుగా పీఆర్ కండ్రిగ గ్రామస్తులకు ఇచ్చిన మాటను నిలబెట్టుకోవడం ముఖ్యమని భావించి.. ఆ పర్యటనను తిరస్కరించాడు. మోడీకంటే కండ్రిగ సందర్శనే ముఖ్యమని భావించిన సచిన్.. ఆస్ట్రేలియా టూర్ కు రాలేనని సూటిగా చెప్పేశాడు. ఇలా ఈ విధంగా సచిన్ గ్రామస్తులకు ఇచ్చిన మాటను నిలబెట్టుకొని హ్యాట్సాఫ్ అనిపించుకున్నాడు.

AS