ఈడెన్ గార్డెన్ లో రోహిత్ రికార్డుల మోత!

Posted: 11/13/2014 09:38 PM IST

India bags four another records in eden gardens kolkata with rohit sharma double century

కోల్ కతాలోని ఈడెన్ గార్డెన్ లో భారత్xశ్రీలంక నాలుగో వన్డే మ్యాచ్ భాగంగా రోహిత్ శర్మ డబుల్ సెంచరీతో సరికొత్త ప్రపంచ రికార్డును నమోదు చేసిన విషయం తెలిసిందే! ఇంటర్నేషనల్ వన్డే క్రికెట్ లో ఇంతవరకు ఏ ఆటగాడు సాధించని 264 పరుగులను తెలుగోడైన రోహిత్ శర్మ సాధించి తన సత్తా చాటుకున్నాడు. ఇదిలావుంటే.. రోహిత్ సాధించిన ఈ డబుల్ సెంచరీ భారత జట్టుకు మరిన్ని రికార్డులు సాధించిపెట్టింది. ఈడెన్ గార్డెన్స్ లో రోహిత్ ప్రదర్శించిన వన్ మ్యాన్ షో కారణంగా రికార్డుల మీద రికార్డులు భారత్ చేతిలో పడ్డాయి. ఒకేసారి నాలుగు రికార్డులకు ఈ ఈడెన్ గార్డెన్ వేదిక అయింది.

అదేమిటంటే.. టీమిండియా క్రికెట్ జట్టు మాత్రమే ఈడెన్ గార్డెన్ లో 5 సార్లు 400 పైచిలుకు చేసిన జట్టుగా రికార్డులకెక్కింది. అలాగే ఒక వన్డేలో అత్యధిక ఫోర్లు (33) బాదిన ఆటగాడిగా రోహిత్ చరిత్ర సృష్టించాడు. అలాగే అత్యధిక వ్యక్తిగత స్కోరు చేసిన భారత ఆటగాడిగా రోహిత్ రికార్డు తన పేరిట లిఖించుకున్నాడు. అంతేకాదు.. అంతర్జాతీయ వన్డేల్లో రెండుసార్లు డబుల్ సెంచరీ బాదిన ఏకైక ఆటగాడిగా రోహిత్ తన పేరిట పదిలపరుచుకున్నాడు. గతంలో రోహిత్ శర్మ కొన్నిసార్లు విఫలం కావడంతో టాలెంట్ లేని ఆటగాడిగా పేరుతెచ్చుకున్నాడు. కానీ.. ఈ డబుల్ సెంచరీతో ఆ మచ్చను శాశ్వతంగా తుడిపేసుకున్నాడు.