ఈ నెల 28న పురుడు పోసుకోనున్న జీకే వాసన్ పార్టీ

Posted: 11/11/2014 04:02 PM IST

తమిళనాడు:కేంద్ర మాజీ మంత్రి జీకే వాసన్‌ కొత్త పార్టీకి ముహూర్తం ఖరారయ్యింది. ఈ నెల 28వ ఆయన కోత్త రాజకీయా పార్టీ పురుడు పోసుకోనుంది. ఈ నెల 28వ తేదీన కొత్త రాజకీయ పార్టీ ఏర్పాటు చేస్తున్నట్లు వాసన్ తాజాగా స్పష్టం చేశాడు. రాష్ట్రంలోని తిరుచిరాపల్లిలో బహిరంగ సభలోనే పార్టీ ఏర్పాటును వాసన్ ప్రకటిస్తారు. కొత్త పార్టీ పేరు.. అజెండాను కూడా సభాముఖంగానే వాసన్ అదే రోజున వెల్లడించనున్నారు. తాజాగా జరిగిన మహారాష్ట్ర, హర్యానా అసెంబ్లీ ఎన్నికల ఫలితాలలో కాంగ్రెస్ ఘోర పరాజయం పాలుకావడంతో ఆయన పార్టీ అధిష్టానంపై తీవ్ర విమర్శలు చేసి పార్టీకి గుడ్ బై చెప్పారు.
 
తిరుచ్చిలో జరగనున్న జీకేవీ మహానాడుకు డీఎండీకే శ్రేణు లు సైతం హాజరవుతున్నట్లు తెలుస్తోంది. జీకే వాసన్‌ కొత్తపార్టీకి విజయ్ కాంత్ మద్దతిచ్చే క్రమంలోనే ఆ కార్యక్రమానికి డీఎండీకే శ్రేణులు హాజరవుతున్నట్లు ప్రచారం జరుగుతుందని రాజకీయ విశ్లేషకులు అభిప్రాయపడుతున్నారు. ఢీఎంకే పార్టీలో ద్వితీయ, తృతీయ శ్రేణి నాయకత్వం కూడా వాసన్ పార్టీలో చేరే అవకాశాలు కనబడుతున్నాయని విశ్లేషకులు అంచనా.

జి.మనోహర్