దాడిలో 50మంది చిన్నారుల మృతి

Posted: 11/10/2014 06:33 PM IST

Suicide bomber attack nigerian school causes 47 students death

నైజీరియాలో ఘోరం జరిగింది. ఉగ్రవాదులు జరిపిన దాడిలో 47మంది స్కూల్ విద్యార్థులు బలయ్యారు. నైజిరియా ప్రభుత్వ వర్గాల సమాచారం ప్రకారం, ఓ స్కూళ్ళో అసెంబ్లీ జరుగుతుండగా.., యునిఫాం ధరించి వచ్చిన ఉగ్రవాది తనను తాను పేల్చేసుకున్నాడు. ఈ దుర్ఘటనలో పదుల సంఖ్యలో చిన్నారులు చనిపోగా.., కొందరు ఆస్పత్రికి తరలిస్తుండగా, చికిత్స పొందుతూ ప్రాణాలు కోల్పోయాు. అటు పరిస్థితిని అదుపు చేసేందుకు వచ్చిన సైనికులపై స్థానికులు తిరగబడి రాళ్లతో కొట్టారు.

దేశంలోకి ఇస్లామిక్ ఉగ్రవాదులు ప్రవేశించి దాడులు చేస్తున్నా.., ఆపలేని సైనికులు, తమ పిల్లలు చనిపోయాక సాయం చేయటానికి వస్తారా అంటూ మండిపడుతున్నారు. ఉగ్రవాదం కారణంగా నైజిరియాలో ఇప్పటివరకు వేల సంఖ్యలో ప్రజలు ప్రాణాలు కోల్పోయారు. లక్షల మంది ఇళ్లు వదిలి ఇతర ప్రాంతాలకు వెళ్ళిపోయారు. గతవారం జరిగిన ఆత్మాహుతి దాడిలో దాదాపు ముప్పై మంది మరణించారు. ఈ ఘటన మరువక ముందే తాజాగా మరొక దాడి జరగటం బాధాకరం.

కార్తిక్