మాఫీ అంటూనే మరో మెలిక పెట్టారు.. మంత్రిగారు

Posted: 11/10/2014 04:29 PM IST

Telangana minister pocharam srinivas reddy says gold loans taken on 7 percent interest will only be waived off

ఎన్నికల ముందు షరతులు వర్తిస్తాయని చెప్పరు. ఇష్టానుసారం హామీలు గుప్పిస్తారు. తీరా గెలిచి అధికారంలోకి వచ్చాక.. హామీలను నేరవాల్చి కాబట్టి అందుకు షరతులు వర్తిస్తాయని నిబంధనలు పెడతారు. అటు హామీలు నేరవేర్చామన్న పేర వస్తుంది. ఇక్కడ అందుకు గాను వెచ్చించాల్సిన నిధులలో కొంతైనా రాబట్టుకోవచ్చునని యోచిస్తారు. ప్రస్తుతం తెలంగాణ ప్రభుత్వం యోచన కూడా అలానే వుంది. బంగారు ఆభరణాలు తాకట్టు పెట్టి రుణాలు తీసుకున్న వారికి కూడా రుణమాఫీ వర్తింపజేస్తామని ఎన్నికల ముందు ఊదరగోట్టిన పార్టీ.. ఇప్పడు సరికోత్త మెలిక పెడుతోంది.

తెలంగాణలో మొత్తం బంగారం తాకట్టు పెట్టి రుణాలు తీసుకున్న రైతులు 3.63 లక్షల మంది రైతులు రూ.1700 కోట్ల వరకు రుణాలు పొందారని చెప్పారు. ఇంత వరకు బాగానే వున్నా.. ఇక్కడ మెలిక పెట్టారు, మంత్రిగారు.. 7 శాతం వడ్డీపై తీసుకున్న వాటినే పంట రుణాలుగా గుర్తిస్తామని మంత్రి పోచారం శ్రీనివాస్‌రెడ్డి తెలిపారు. అదీనూ సాక్షత్తు శాసనసభలో. 14 శాతం వడ్డీపై ఇచ్చిన బంగారు రుణాలకు రుణమాఫీ వర్తించదని మంత్రి స్పష్టం చేశారు. ఇప్పటి వరకు రైతులకు బ్యాంకులు రూ.8100 కోట్ల రుణాలు ఇచ్చియని, దీనికి సంబంధించి రైతులకు రుణవిముక్తి పత్రాలు ఇచ్చాయని వెల్లడించారు. జబర్దస్తు చెప్పిండ్రు కదా మన మినిస్టర్ సారు..

జి.మనోహర్