‘వాట్సాఫ్’లో సందేశమా.. మీ మేసేజ్ ను చదివేశారు..

Posted: 11/08/2014 05:50 PM IST

Blue ticks when your whatsapp message is read

భారత్ దేశంలో గత ఏడాది ఒక్క సంవత్సరంలోనే 4 కోట్ల మంది స్మార్ట్ ఫోన్లు కొన్నారట. ఇక అందులో అన్ని అప్లికేషన్స్ తెలిసిన వారు రమారమి 50 శాతం మంది వున్నారట. వీరు కావాల్సిన యాప్ లను డౌన్ లోడ్ చేసుకుంటున్నారట. అయితే వారిలో రమారమి అందరు వాట్సప్ వినియోగిస్తున్నారు. అయితే ఈ మధ్య అందులో మీరు పంపిన మెసేజిలను చదివేస్తున్నారు. తెలుసా..? మీరు పంపిన మేసేజ్ పక్కన రెండు నీలిరంగు టిక్ మార్కులు వస్తున్నాయి కదూ. వాటికి అర్థం ఏంటో మీకు తెలుసా? మీరు పంపిన సందేశాన్ని చదివేశారని అర్థం..

కంగరూ పడకండి.. మీరు ఎవరికైతే మేసేజ్ పంపారో వారు మేసేజ్ చదవివేశారని చెబుతున్నాం. ఒక టిక్ వచ్చిందంటే అవతలి వాళ్లకు అది వెళ్లిందని అర్థం. అదే రెండు టిక్ మార్కులు ఉన్నాయంటే మాత్రం అవతలివాళ్లు దాన్ని చదివేసినట్లు కూడా తెలుస్తుంది. దీనికి ముందు, మన స్నేహితుల టైంలైన్లో 'లాస్ట్ సీన్' అనే విభాగంలో ఏ సమయం ఉందో చూసుకుని, దాన్ని బట్టి మన సందేశం చదివారో లేదో తెలుసుకోవాల్సి వచ్చేది. ఇది కాస్త ఇబ్బందికరంగా ఉండటంతో ఇప్పటికే మిగిలిన కొన్ని సోషల్ నెట్వర్కింగ్ సైట్లలో ఉన్న రెండు నీలిరంగు టిక్ మార్కుల విధానాన్ని వాట్సప్ కూడా అందిపుచ్చుకుంది. ఇది చాలా సులభంగా, కచ్చితంగా ఉంటుందని వాట్పప్ నిర్వాహకులు చెబుతున్నారు. ప్రస్తుతం ప్రపంచవ్యాప్తంగా వాట్సప్కు 60 కోట్ల మంది యూజర్లున్నారు.

జి మనోహర్