క్షణాల్లో పేలిన రాకెట్.. ఇబ్బందిలేదన్న నాసా

Posted: 10/29/2014 04:29 PM IST

నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్ నుంచి అంతర్జాతీయ అంతరిక్ష కేంద్రానికి (ఐఎస్ఎన్) అమెరికా పంపిన కార్గో రాకెట్ పేలిపోయింది. అమెరికాలోని వర్జీనియాలో టేకాప్ తర్వాత కొద్ది క్షణాలకే అది కుప్పకూలిపోయింది. 14 అంతస్థుల ఈ రాకెట్ అంతర్జాతీయ అంతరిక్షకేంద్రానికి 5 వేల 55 పాండ్ల బరువున్న సైన్స్ పరికరాలు, ఇతర వస్తువులను మోసుకెళ్తోంది. మానవ రహిత రాకెట్ ఆంటారెస్  ప్రయోగం విఫలం కావడంపై నాసా స్పందించింది. ఈ ప్రయోగం విఫలం కావడం వలన అంతర్జాతీయ అంతరిక్ష కేంద్రంలో ఉన్న వ్యోమగాములకు ఎలాంటి ఇబ్బంది లేదని నాసా ఓ ప్రకటనలో తెలిపింది. రాకెట్ లో సరిపడా ఆహారం, వస్తువులు శాస్త్రజ్క్షులకు అందుబాటులోకి ఉన్నాయని నాసా వెల్లడించింది.

 
ఈ రాకెట్ ప్రయోగం విఫలమైనంత మాత్రాన మా ప్రయోగాలో లోపం ఉందని చెప్పలేమని నాసా శాస్త్రజ్క్షులు అన్నారు. కౌంట్ డౌన్ సమయంలో ఎలాంటి సమస్య తలెత్తలేదని,రాకెట్ మొదటి అంతస్థులోనే ఏదో సమస్య వచ్చి ఉంటుందని శాస్త్రవేత్తలు అన్నారు.  రాకెట్ ప్రయోగంలోని సమస్యలను అధిగమించి ముందడుగు వేస్తామని నాసా తెలిపింది. వర్జీనియాలోని వాలోప్స్ ఐలాండ్ నుంచి ప్రయోగించిన మానవ రహిత రాకెట్ ఆంటారెస్ ప్రయోగించిన కొద్ది సెకన్లకే పేలిపోవడంపై ఆర్బిటాల్ కంపెనీ దర్యాప్తు చేపట్టింది. ఈ ఘటనలో ఎవరూ గాయపడలేని నాసా ధృవీకరించింది. దర్యాప్తు పూర్తయ్యేవరకు ఈ తరహా రాకెట్లు ప్రయోగించబోమని సంస్థ పేర్కొంది.

జి.మనోహర్