4,400 పోస్టుల భర్తీకి కేసీఆర్ ఆమోదం

Posted: 10/28/2014 07:29 AM IST

Kcr signs on aaeo recruitment posts in agriculture department

తెలంగాణలో నిరుద్యోగులకు ముఖ్యమంత్రి కేసీఆర్ శుభవార్త తెలిపారు. ప్రభుత్వ ఆధీనంలోని వ్యవసాయ శాఖలో ఖాళీగా ఉన్న పోస్టులను భర్తీ చేసేందుకు ఆమోదం తెలిపారు. తాజా నిర్ణయం ప్రకారం ఖాళీగా ఉన్న 4400 సహాయ వ్యవసాయ విస్తరణాధికారులు (ఎఎఈఓ) పోస్టుల భర్తీ జరగనుంది. కేబినెట్ లో చర్చించి ఆమోదించిన తర్వాత ఉద్యోగాలపై నోటిఫికేషన్ వెలువడుతుందని ప్రభుత్వ వర్గాలు చెప్తున్ానయి. ఈ ఉద్యోగాలకు సంబంధించి విధివిధానాలు కూడా ఇంకా పూర్తి కావాల్సి ఉందన్నారు.

వ్యవసాయ, ఉద్యానవన కోర్సుల్లో డిప్లమాలు, డిగ్రీలు చేసినవారికి ఈ పోస్టలకు దరఖాస్తు చేసే అర్హత ఉంటుందని తెలిపారు. భర్తీ ప్రక్రియ అంతా మెరిట్ ప్రకారమే జరుగుతుందన్నారు. ఎలాంటి ఇంటర్య్వూలు లేకుండా కేవలం రాత పరీక్ష ద్వారానే అభ్యర్ధుల ఎంపిక జరగనుంది. ఆదర్శ వ్యవస్థను ప్రభుత్వం రద్దు చేసిన నేపధ్యంలో సాంకేతికంగా అర్హులైన వ్యవసాయ విస్తరణాధికారులను నియమించుకోవాలని సర్కారు భావిస్తోంది. అందుకోసమే ఈ పోస్టుల భర్తీకి ఆమోదం తెలపటం జరిగింది. దీంతో ఉద్యోగాల కోసం ఉద్యమాలు చేసిన తెలంగాణ విద్యార్థులు ఇక పుస్తకాలతో కుస్తీ పట్టాల్సిన సమయం ఆసన్నమయిందన్నమాట.

కార్తిక్