అనారోగ్యం బారిన పడ్డానికి ‘‘ఫేస్ బుక్’’ కారణమట!

Posted: 10/27/2014 09:36 PM IST

సోషల్ మీడియాలో ‘‘ఫేస్ బుక్’’ ప్రభంజన ఏవిధంగా వుందో ప్రత్యేకంగా చెప్పుకోవాల్సిన అవసరం లేదు! చిన్నపిల్లల నుంచి వృద్ధులవరకు దీనిని ఉదయం నుంచి సాయంత్రం వరకు ఇందులో ఏదో ఒకటి అప్ డేట్ చేస్తూనే వుంటారు. ముఖ్యంగా యుక్తవయస్సులో వున్నవారైతే మరీ ఎక్కువ! తిండితినకుండా వుండగలరేమోగానీ.. ఫేస్ బుక్ లేకుండా ఒక్క క్షణం కూడా వుండలేరు! ఒక్క మాటలో చెప్పాలంటే.. డ్రగ్స్ కంటే ఫేస్ బుక్ ప్రభావమే ఎక్కువగా వుందని కొన్ని సర్వేలు వెల్లడించాయి కూడా! ఇక తాజాగా మరో సర్వే ఒక సంచలన వార్తను విడుదల చేసింది.

ఈమధ్యకాలంలో జంక్ ఫుడ్ వాడకం చాలా ఎక్కువైపోయింది. అందులో బాలబాలికలు చాలా ఎక్కువగా పిజ్జా, బర్గర్లను తినేందుకు అత్యంత ఆసక్తి చూపుతున్నారని వెల్లడైంది. అయితే వీళ్లంతా ఇలా జంక్ ఫుడ్ తినడానికి కారణం ‘‘ఫేస్ బుక్’’ అని ఆస్ట్రేలియాలోని సిడ్నీలో చేపట్టిన ఓ సర్వే వెల్లడించింది. ఎందుకంటే.. ఈ సోషల్ మీడియాలోని జంక్ ఫుడ్స్ కు సంబంధించిన మార్కెటింగ్ చాలా ఎక్కువగా వుందని, దీంతో పిల్లలు వాటిపై ఎక్కువ ఆసక్తి చూపుతున్నారని సర్వే వివరించింది. ఈ జంక్ ఫుడ్ లు నిత్యం తీసుకోవడం వల్ల ఎన్నో ఆరోగ్య సమస్యలు తలెత్తుతాయి. కొలెస్టిరాల్ ఎక్కువగా పేరుకుపోయి, రక్తప్రసరణకు అడ్డుపడుతోంది. దీంతో గుండెపోటు, ఇతర సమస్యలు వస్తాయి.

మొత్తానికి ఇక్కడ చెప్పుకోదలచుకున్నదేమిటంటే.. సోషల్ మీడియాలో జంక్ ఫుడ్ మార్కెటింగ్ చాలా ఎక్కువగా వుంది కాబట్టి.. వాటిని చూసి పిల్లలు వాటిమీద ఎక్కువ ఆసక్తిని పెంచుకుంటున్నారు. అలా దానికి అలవాటు పడిపోయిన నేపథ్యంలో వాటివల్ల ఆరోగ్య కారణాలు తలెత్తుతాయి. దీంతో ఆరోగ్య సమస్యలు తలెత్తుతాయి. దీనికి కారణం ‘‘ఫేస్ బుక్’’ అని సర్వే వెల్లడించడం జరుగుతోంది.

AS