కాలేజీ గుర్తింపు రద్దయితే కోర్టుకు రావద్దు -సుప్రీం

Posted: 10/27/2014 03:18 PM IST

Supreme court agrees to eamcet second phase counselling

ఎంసెట్ రెండవ విడత కౌన్సిలింగ్ పై నెలకొన్న సందిగ్ధతకు తెరపడింది. రెండవ విడత కౌన్సిలింగ్ నిర్వహించుకునేందుకు సుప్రీంకోర్టు అంగీకారం తెలిపింది. పలు షరతులతో ఈ కౌన్సిలింగ్ కు అనుమతి ఇచ్చింది. నవంబర్ 14లోపు కౌన్సిలింగ్ పూర్తి చేయాలని స్పష్టం చేసింది. గుర్తింపు కోల్పోయిన 174 కాలేజీలు, విద్యార్థులు దాఖలు చేసిన పిటిషన్ పై స్పందిచంని న్యాయస్థానం ఈ మేరకు తీర్పు వెల్లడించింది. కౌన్సిలింగ్ కు సంబంధించి ఉన్నత విద్యామండలి షెడ్యూల్ విడుదల చేయాలని న్యాయస్థానం ఆదేశించింది.

క్లాసులు ప్రారంభం అయిన రెండు నెలల తర్వాత తిరిగి సెకండ్ కౌన్సిలింగ్ నిర్వహించుకునేందుకు తిరిగి అనుమతి వచ్చింది. ఈఏఐసీటీఈ నిబంధనల ప్రకారమే కౌన్సిలింగ్ ఉంటుందని స్పష్టం చేసింది. ఈ తీర్పు ప్రకారం అర్హత కోల్పోయిన 174 కాలేజీలకు తిరిగి కౌన్సిలింగ్ నిర్వహించుకునే అవకాశం లభించింది. అయితే ఈ కాలేజీలతో పాటు ఇతర కాలేజీల గుర్తింపు రద్దయితే విద్యార్థులు తిరిగి కోర్టులకు రావద్దని స్పష్టం చేసింది. కాబట్టి కాలేజీని ఎంపిక చేసుకునే ముందుగానే ప్రమాణాలను పరిశీలించుకుని ఆప్షన్లు ఇవ్వటం తప్పనిసరి. ఇక కాలేజీల వ్యవహారంపై తుది తీర్పును మంగళవారం వెల్లడించనుంది.

కార్తిక్