దుర్గ గుడికి రాకపోకలు నిలిపివేత

Posted: 10/27/2014 10:57 AM IST

Vijayawada durga temple road closed because of rains

అష్టాదశ శక్తిపీఠంగా పూజలందుకుంటున్న విజయవాడ కనకదుర్గ అమ్మవారి ఆలయానికి రాకపోకలు నిలిచిపోయాయి. భారీగా కురుస్తున్న వర్షాలతో దుర్గ గుడి అధికారులు అప్రమత్తం అయ్యారు. వర్షాల కారణంగా కొండచరియలు విరిగిపడే ప్రమాదం ఉందని భావించిన అధికారులు ఆలయానికి వెళ్లే ఘాట్ రోడ్డును తాత్కాలికంగా మూసివేశారు. వర్షాలు తగ్గి సాధారణ పరిస్థితులు ఏర్పడే వరకు దేవాలయంకు రాకపోకలను అనుమతించమని అధికారులు స్పష్టం చేస్తున్నారు.

ఆదివారం రాత్రి నుంచి ఎడతెరిపి లేకుండా భారీగా కురుస్తున్న వర్షాలతో విజయవాడ అతలాకుతలం అవుతోంది. లోతట్టు ప్రాంతాలు జలమయం కాగా... రోడ్లన్నీ నీటితో నిండిపోయాయి. దీనికి తోడు ఎగువనుంచి ప్రకాశం బ్యారేజికి భారీగా వరద నీరు వస్తోంది. దీంతో అధికారులు 70గేట్లు ఎత్తి నీటిని విడుదల చేస్తున్నారు. అటు గుడివాడలోనూ భారీ వర్షం కురుస్తోంది. సోమవారం కూడా తెలంగాణ, ఏపీల్లో వర్షాలు కురుస్తాయని వాతావరణ శాఖ ముందే ప్రకటించింది.

కార్తిక్