ఇంకా శాంతించని హుదూద్, 37 మంది మృతి

Posted: 10/17/2014 11:26 AM IST

ప్రచంఢ వాయువేగంతో కడలి శరంలా విశాఖ తీరాన్ని దాటి.. పెను విధ్వంసం సృష్టించిన హుదూద్ తుఫాన్ ఇంకా శాంతించలేదు. భారత వాతావరణ శాఖ, విశాఖ వాతవరణ కేంద్రంతో పాటు నాసా హెచ్చరికల నేపథ్యంలో అప్రమత్తంగా వ్యవహరించిన ఆంధ్రప్రదేశ్, ఒడిశాలలో లక్ష కోట్ల రూపాయలకు పైగా ఆస్థి నష్టం కలిగించింది. అయితే ప్రాణ నష్టం అంతగా లేకపోవడంతో శాంతించని హుదూద్.. నేపాల్ లో మంచు తుఫానుగా మారి పర్వతరోహకులు ప్రాణాలను కబలిస్తుంది.

నేపాల్‌లోనూ హుదూద్ బీభత్సం సృష్టిస్తుంది. దీని ప్రభావంతో సంభవించిన మంచు తుఫాన్ పశ్చిమ నేపాల్‌లోని అనేక ప్రాంతాలను ఛిన్నాభిన్నం చేస్తుంది. మంచు తుపాను ధాటికి ఒక భారతీయుడు సహా 21 మంది పర్వతారోహకులు మృతిచెందారు. మరో 85 మంది అచూకీ గల్లంతయ్యారు. ప్రపంచంలోనే పదో అతిపెద పర్వతం అన్నపూర్వ ఉన్న థోరంగ్ పాస్ ప్రాంతంలో సంభవించిన తుఫాన్‌తో ముస్తాంగ్ జిల్లాలో 16 మంది చనిపోయారు. వారిలో తొమ్మిది మంది నేపాలీలు, ముగ్గురు పోలండ్‌వాసులు, ముగ్గురు ఇజ్రాయెల్ దేశస్తులు, ఒక వియత్నాం వాసి ఉన్నారు. మిగిలిన వారి వివరాలు తెలియాల్సి వుంది.
 
జి.మనోహర్