మరో మూడు రోజుల అంధకారంలోనే విశాఖ..

Posted: 10/14/2014 07:14 PM IST

మరో మూడు రోజుల పాటు విశాఖ నగరం అంధకారంలోనే మగ్గాల్సిన పరిస్థితులు ఉత్పన్నమయ్యాయి. పూర్తి స్థాయిలో విద్యుత్ సరఫరా పునరుద్ధరించడానికి మరో రెండు మూడు రోజులు పట్టే అవకాశం ఉందని విశాఖపట్నం ఎంపి హరిబాబు తెలిపారు.  రేపటి నుంచి తాగునీరు అందించడానికి ప్రయత్నాలు ప్రారంభించామని ఆయన అన్నారు. తుఫాన్ బాధితులకు విజయవాడ నుంచి నిత్యవసర వస్తువులు, కూరగాయలు తెప్పించడానికి ఏర్పాట్లు చేస్తున్నామని తెలిపారు.
 
హదూద్ తుఫాన్ సృష్టించిన బీభత్సం కారణంగా ఉత్తరాంధ్రలో విద్యుత్ సరఫరా, రవాణా వ్యవస్థ పూర్తిగా స్తంభించిందని, యుద్దప్రాతిపదికన పనులు చేస్తున్నా.. పూర్తిగా విద్యుత్ పునరుద్దరణ జరగడానికి మరో మూడు రోజులు పడుతుందని ఆయన చెప్పారు.

జి.మనోహర్