విశాఖకు మెగా పవర్ స్టార్ విరాళం.. రూ.10 లక్షలు

Posted: 10/14/2014 01:29 PM IST

Mega power star ramcharan to donate rs 10 lakhs cm relief fund

తుపాను నేపథ్యంలో టాలీవుడ్ నుంచి తొలిసారిగా స్పందించారు మెగా పవర్ స్టార్ రాంచరణ్. తన వంతు విరాళంగా పది లక్షల రూపాయలను ముఖ్యమంత్రి సహాయ నిధికి అందజేయనున్నట్లు ప్రకటించారు. ఇవాళ ఆయన మీడియా సమావేశంలో మాట్లాడుతూ.. టీవీలో తుఫాను బీభత్సాన్ని చూసిన తనకు నోటీ నుంచి మాటలు కూడా రావటం లేదన్నారు. దీంతో పాటు విశాఖలోని రామకృష్ణ మిషన్కు మరో రూ.5 లక్షల ఆర్థిక సాయం అందించనున్నట్లు చెప్పారు. ధనరూపంగా కాకుండా పెద్ద మోత్తంలో మందులు, ఆహార పదార్థాలు, పాలపోడి పంపిణీ చేస్తామన్నారు. అపోలో ఫార్మసీ ద్వారా క్లోరినేషన్, బ్లీచింగ్ సరఫరా చేస్తామన్నారు. తుఫాను ప్రభావిత ప్రాంతాల్లోని ఏదో ప్రాంతాన్ని దత్తత తీసుకుని అభివృద్ది చేస్తామని తెలిపారు.

తుపాను బాధితులకు సహాయం చేయాలని తన అభిమానులను కోరారు. ప్రభుత్వ ముందుజాగ్రత్త, టెక్నాలజీ సామర్థ్యం, మీడియా సహకారం వల్లే ప్రాణనష్టం తప్పిందని అన్నారు. రాష్ట్ర ప్రభుత్వంతోపాటు, కేంద్ర ప్రభుత్వం పనితీరు బాగుందన్నారు. అలాగే బాధితులకు ఆహారంతో పాటు మంచినీరు అందించనున్నట్లు రాంచరణ్ తెలిపారు. తుఫానుపై ఎప్పటికప్పుడు ప్రజలను అప్రమత్తత చేసినందుకు ఆయన మీడియాను అభినందించారు.

జి.మనోహర్