ప్రతి మండలానికి ఒక ఐఏఎస్ అధికారి

Posted: 10/13/2014 10:43 AM IST

Chandrababu naidu on hudhud cyclone effect in vishakapatnam

హుద్ హుద్ తుపాను నష్టంపై ఏపీ ముఖ్యమంత్రి చంద్రబాబు స్పందించారు. పరిస్థితి పూర్తిగా అదుపులోకి వచ్చే వరకు విశాఖలోనే ఉంటానన్నారు. తుఫాను ప్రభావిత ప్రాంతాల్లో సహాయక చర్యలు వేగవంతం చేసినట్లు చెప్పారు. ముందుగా అందిరికి ఆహారం అందిచటమే లక్ష్యమన్నారు. ఇందుకోసం గుంటూరు, కృష్ణా జిల్లాల నుంచి ఆహార పొట్లాలను తెప్పిస్తున్నట్లు చెప్పారు. ముంపు, తుఫాను బాధిత ప్రజలందర్ని సహాయక శిభిరాలకు తరలిస్తున్నామన్నారు. అటు సహాయక చర్యల కోసం ప్రతి జిల్లాకు ఒక్కో ఐఏఎస్ అధికారితో పర్యవేక్షణ పెడతామన్నారు. బాధితులకు ఆహారంతో పాటు.., తక్షణ సాయంగా 25కేజీల బియ్యం, 5లీటర్ల కిరోసిన్, కేజి పంచదార ఇస్తామని ప్రకటించారు.

తుఫాను నష్టాన్ని ఏ,బీ,సీ,డీ, కేటగిరీలుగా విభజించి సహాయక కార్యక్రమాలు చేపడుతున్నట్లు చెప్పారు. పునరావాసం, సహాయం కోసం సోషల్ మీడియాను కూడా ఉపయోగిస్తామన్నారు. విద్యుత్ సరఫరాపై కేంద్రమంత్రి పియూష్ గోయల్ తో మాట్లాడామని ఏపీ సీఎం తెలిపారు. తుఫాను బాధితులకు ప్రభుత్వం అండగా ఉంటుందని హామి ఇచ్చారు. ముందస్తు జాగ్రత్తలు, సాంకేతిక పరిజ్క్షానంతో పెద్ద ఉపద్రవాన్ని అడ్డుకున్నట్లు తెలిపారు. అటు ఏపీకి అన్నివిధాలుగా సాయం అందించేందుకు కేంద్రం సిద్ధంగా ఉందని హోంమంత్రి రాజ్ నాధ్ సింగ్ ప్రకటించారు చంద్రబాబుకు ఫోన్ చేసిన రాజ్ నాధ్ ఈ మేరకు హామి ఇచ్చారు.

కార్తిక్