ఇవాళ దేవాలయాల మూసివేత

Posted: 10/08/2014 07:27 AM IST

ఇవాళ సంపూర్ణ చంద్రగ్రహణం ఏర్పడుతోంది. భారత కాలమానం ప్రకారం మధ్యాహ్నం గం.2.45నుంచి సాయంత్రం గం.6.05వరకు గ్రహణం ఉంటుందని భారత భూ అధ్యయన మంత్రిత్వ శాఖ వెల్లడించింది. ఆసియా, అమెరికా, ఆస్ర్టేలియా ఖండాల్లో ఇది కన్పిస్తుందని శాస్ర్తవేత్తలు అంటున్నారు. భారత్ విషయానికి వస్తే పశ్చిమ ప్రాంతం వారు తప్ప మిగతావారందరికి గ్రహణం కన్పిస్తుందని చెప్తున్నారు. ఇక గ్రహణం విడిచే సమయంలో దేశంలోని పలు ప్రాంతాలవారు చూసేందుకు అవకాశం ఉంటుందన్నారు. గ్రహణంను చూసేందుకు పలు ప్రాంతాల్లో సైన్స్ సెంటర్లు ప్రత్యేక సౌకర్యాలను కల్పిస్తున్నాయి.

ఇక గ్రహణం సందర్బంగా దేశంలోని ఆలయాలు మూసివేస్తున్నారు. అటు తెలంగాణ, ఆంధ్రప్రదేశ్ లోని ఆలయాలను కూడా మూసివేస్తున్నట్లు ఆయా ఆలయాల కార్యనిర్వాహణాధికారులు తెలిపారు. గ్రహణంకు ఆరు గంటల నుంచే ఆలయాలను మూసివేసే సాంప్రదాయం ఉంది. మన క్యాలెండర్ ప్రకారం సాయంత్రం గం.4.45 నుంచి రాత్రి గం.7.05వరకు చంద్రగ్రహణం ఉంటుంది. దీంతో అంతకు ముందుగానే అంటే ఉదయం 10గంటల నుంచే ఆలయాలను మూసివేస్తున్నారు. తిరుమల శ్రీవారి ఆలయం సహా తిరుచానూరు పద్మావతి అమ్మవారి ఆలయం, తిరుపతిలోని గోవిందరాజస్వామి ఆలయాలను ఉదయం మూసివేసి తిరిగి రాత్రి గం.8తర్వాత తెరిచి శుద్ది చేసిన తర్వాత దర్శనంకు అనుమతి ఇస్తామని ఆలయ అధికారులు వెల్లడించారు.

 

కార్తిక్