అమెరికాలో ఘనంగా హెచ్ఎస్ఎస్ దసరా ఉత్సవాలు

Posted: 10/06/2014 04:04 PM IST

చెడుపై మంచి సాధించిన విజయానికి చిహ్నంగా చేసుకునే దసరా నవరాత్రి ఉత్సవాలను దేశవ్యాప్తంగా హైందవులు భక్తి శ్రద్దలతో ఆచరించారు. మన దేశంతో పాటు విదేశాలలో వున్న భారతీయులందరూ ఈ వేడుకలను ఘనంగా నిర్వహించుకున్నారు. అమెరికాలోని హిందూ స్వయం సేవక్ సంఘం ఆధ్వర్యంలో దశమి నవరాత్రి ఉత్సవాలను భక్తి శ్రద్దలతో నిర్వహించారు. ఈ ఉత్సవాలలో భాగంగా జననీ జన్మభూమి సర్గం కన్నా మిన్నైదనే పాటపై స్వయం సేవకులు నిర్వహించిన యోగాను ప్రదర్శించారు. శ్వేతవస్త్రాలంకరణ, కాషాయ వర్ణం దుప్పట్టాలతో వారు లయబద్దంగా దండియా ఆటలు ప్రేక్షకులను అలరించాయి. వసంత్ దేశాయ్ స్వర్ణం కూర్చిన ఈ పాటకు మన్నాడే ఆలపించారు. జననీ జన్మభూమిచ్చా స్వర్గాధమీ కరీయసీ అన్న సంస్కృత శ్లోకాల నుంచి ఈ పాటను రచించారు. విదేశాలలో వున్న వారికి స్వయం సేవక్ సంఘ్ కార్యకర్తల ఆటపాటలతో జన్మభూమి గుర్తుకువచ్చేలా చేశాయి. ఈ ఉత్సవాలకు అమెరికాలోని భారతీయులందరినీ హిందూ స్వయం సేవక్ సంఘం అహ్వానించింది.

జి.మనోహర్