ముస్లిం సోదరులకు.. ప్రముఖుల బక్రీద్ శుభాకాంక్షలు

Posted: 10/06/2014 08:52 AM IST

త్యాగానికి, విశ్వాసానికి బక్రీద్ ప్రతీక అని రాష్ట్రపతి ప్రణబ్ ముఖర్జీ అన్నారు. బక్రీద్ సందర్భంగా రాష్ట్రపతి ప్రణబ్, ఉపరాష్ట్రపతి హమీద్ అన్సారీ దేశప్రజలకు శుభాకాంక్షలు తెలిపారు. ''పౌరులందరికీ, ముఖ్యంగా ముస్లిం సోదరులకు నా శుభాకాంక్షలు. త్యాగానికి, విశ్వాసానికి బక్రీద్ ప్రతీక. దేశ, ప్రపంచ సౌభాగ్యం కోసం విశ్వప్రేమ, సోదరభావాన్ని పెంపొందించుకోవాలి'' అని రాష్ట్రపతి ప్రణబ్ ముఖర్జీ తన సందేశంలో పేర్కొన్నారు. ఏకత్వాన్ని, సౌభ్రాతృత్వాన్ని పటిష్ఠం చేసేలా బక్రీద్‌నుజరుపుకోవాలని ఉపరాష్ట్రపతి హమీద్ అన్సారీ ఆకాంక్షించారు.

ఇటు బక్రీద్ పర్వదినాన్ని పురస్కరించుకొని ఇరు తెలుగు రాష్ట్రాల గవర్నర్ నరసింహన్, తెలంగాణ ముఖ్యమంత్రి కేసీఆర్, ఆంధ్రప్రదేశ్ ముఖ్యమంత్రి చంద్రబాబులు మహ్మదీయ సోదరులకు బక్రీద్ శుభాకాంక్షలు తెలిపారు. ఈ పండుగ త్యాగానికి, దేవునిపై భక్తికి, పేదల పట్ల ఉన్న సంవేదనా శీలతకు నిదర్శనమని గవర్నర్ పేర్కొన్నారు. సమాజంలో పేదరికంతో బాధ పడుతున్న లక్షలాది ప్రజల సముద్ధరణకు అందరూ కలిసి కృషి చేద్దామని చంద్రబాబు పిలుపునిచ్చారు.

జి.మనోహర్