సొంతరాష్ట్రంలోనే చంద్రబాబు, మోడీ ఫ్లెక్సీలకు నిప్పు!

Posted: 10/03/2014 08:34 PM IST

Chandrababu and modi flexis fired in kadapa district pulivendula

గాంధీజయంతి సందర్భంగా ఆంధ్రప్రదేశ్ రాష్ట్రంలో వుండే వృద్ధులకు పెన్షన్లు ఇచ్చి వారికి చేయూతనందిస్తున్న సీఎం చంద్రబాబుకు.. ఆ తరువాతిరోజే ఆయనకు తీవ్ర వ్యతిరేకత భావం వ్యక్తమవుతున్నట్లు కనిపిస్తోంది. తాజాగా అందుతున్న సమాచారాల ప్రకారం.. కడప జిల్లాలోని పులివెందులలో దసరా శుభాకాంక్షలు తెలిపుతూ బాబు, ప్రధాని మోడీ ఫ్లెక్సీలను కొంతమంది దుండగులు తగులబెట్టేశారు. దీంతో ఆ ప్రాంతమంతా ఉక్కిరిబిక్కిరయ్యింది. ఎక్కడ అక్కడ ఘర్షణలు చోటుచేసుకుంటాయేమోనన్న భయాందోళనల్లో ప్రజలు మునిగిపోయారు. అయితే వెంటనే బీజేపీ కార్యకర్తలు పోలీసులకు ఫిర్యాదు చేయడంతో వారు దీనిపై కేసు నమోదు చేసి, దర్యాప్తు చేస్తున్నారు.

అయితే రాజకీయ విశ్లేషకుల అందిస్తున్న సమాచారం ప్రకారం.. కడప జిల్లాలో చాలావరకు వైఎస్సార్ కాంగ్రెస్ పార్టీ హవానే ఎక్కువగా కొనసాగుతోంది. అంతెందుకు.. ఆ జిల్లానే వెఎస్సార్ జిల్లాగా వ్యవహరిస్తారు. ఇక పులివెందుల విషయానికొస్తే.. ఆ ప్రాంతంలో కేవలం వైఎస్సార్ కాంగ్రెస్ పార్టీ తరఫునే ప్రజలు జై కొడతారు. అదే చంద్రబాబు విషయంలో మాత్రం వారంతా తీవ్ర వ్యతిరేకతను కనబరుస్తారు. గతంలో ఒకసారి బాబు పర్యటనలో భాగంగా అక్కడకు విచ్చేస్తే.. ప్రజలు ఆయన మీద చెప్పులతో దాడి చేశారు. దీంతో ఆయన అక్కడి నుంచి వెళ్లిపోయారు. ఇప్పుడు కూడా ఆయన, మోడీ ఫ్లెక్సీలను వైఎస్సార్ కాంగ్రెస్ పార్టీకి చెందిన కార్యకర్తలే నిప్పంటించి వుంటారని సందేహాలు వ్యక్తం చేస్తున్నారు. మరి ఈ సంఘటనకు కారకులు ఎవరో తేలాలంటే.. పోలీసుల దర్యాప్తు పూర్తయ్యేంతవరకు ఆగాల్సిందే!