9 మంది సెలబ్రిటీలకు మోడీ స్వచ్చ భారత్ చాలెంజ్..!

Posted: 10/02/2014 01:20 PM IST

ఐస్ బక్కెట్ ఛాలెంజ్.... ఇప్పుడు స్వచ్ఛ భారత్కు కూడా పాకింది. విభిన్న రంగాలకు చెందిన తొమ్మిది మంది సెలెబ్రెటీలకు స్వయంగా ప్రధాని నరేంద్రమోడీ సవాల్ విసిరారు. క్విట్ ఇండియా, క్లీన్ ఇండియా అన్న బాపూజీ ఇచ్చిన పిలుపును స్ఫూర్తిగా తీసుకుని ప్రధాని గాంధీ జయంతి రోజున స్వచ్ఛ భారత్ కార్యక్రమానికి స్వీకారం చుట్టారు. ఈ సందర్భంగా ఆయన ఢిల్లీలో మాట్లాడుతూ.. సినీ, వ్యాపార, వాణిజ్య, క్రీడ, ఆధ్యాత్మిక రంగాలకు చెందిన 9 మంది సెలబ్రిటీలకు తాను స్వయంగా సవాల్ విసిరానని ప్రకటించారు.

దేశంలోని ఏదేని బహిరంగ ప్రదేశాల్లో పారిశుద్ధ్యంలో పాల్గొనాలని ఆయన ఆ తొమ్మిదిమందికి ఆహ్వానం పలికారు. . స్వచ్ఛ భారత్ కార్యక్రమంలో పాల్గొన్న మోడీ ఈ విషయాన్ని  స్వయంగా వెల్లడించారు. ఆ తొమ్మిది మంది స్వచ్ఛ భారత్లో పాల్గొని...వారి మరో తొమ్మిదిమందికి ఆహ్వానం పలకాలని కోరారు. బాలీవుడ్ నటుడు సల్మాన్ ఖాన్, ప్రియాంకా చోప్రా, కాంగ్రెస్ నేత, మాజీ కేంద్ర మంత్రి శశిథరూర్, మాస్టర్ బ్లాస్టర్ సచిన్ టెండుల్కర్, మరో అగ్రనటుడు కమల్ హాసన్, బుల్లి తెర నటుడు తారక్ మెహతా, వాణిజ్యవేత్త అనీల్ అంబానీ, గోవా గవర్నర్, ప్రముఖ రచయిత, సీనియర్‌ బిజెపి నేత మృదులా సిన్హా, ఆద్యాత్మిక వేత్త, యోగా గురు బాబా రాందేవ్ లు ఉన్నారు. అయితే దేశం పట్ల ఎంతో బాధ్యత కలిగిన నటుడు అమీర్ ఖాన్ మాత్రం ఎవరి ఆహ్వనం లేకుండానే స్వయంగా ఢిల్లీకి హాజరై స్వచ్ఛ భారత్ కార్యక్రమంలో పాల్గొన్నాడు.
 
జి.మనోహర్