స్పైస్ జెట్ మరో ప్రత్యేక ఆఫర్..

Posted: 09/26/2014 12:29 PM IST

Spice jet announces another special offer

టెలికాం రంగంలో వచ్చిన విప్లవాత్మకమైన మార్పులతో ఇన్ కమింగ్ కాల్స్ సహా అన్ని సేవలకు చార్చీలను వసూలు చేసిన ప్రైవేలు టెలికాం సంస్థలు.. తీవ్ర పోటీ నేపథ్యంలో ఇన్ కమింగ్ కాల్స్ కు రెండు సెకన్లకు పైసా ఆఫర్లతో కస్టమర్లను ఆకర్షిస్తున్నాయి. ఇదే పోటీ ప్రస్తుతం విమానయాన రంగంలో నెలకొంది. విమానమాన సంస్థలు తీవ్ర పోటీ పడుతూ టిక్కెట్ల ధరలను భారీగా తగ్గిస్తూ సామాన్యులకు విమానయానాన్ని అందుబాటులోకి తీసుకువస్తున్నాయి. ఎయిర్ ఇండియా వ్యవస్థాపక వారోత్సవల్లో భాగంగా ప్రారంభమైన ఈ ఆఫర్ల మేళా.. ఇప్పుడు అన్ని సంస్థలు పోటీ పడి ధరలను తగ్గిస్తున్నాయి.

తాజాగా, కళానిధి మారన్‌కు చెందిన ప్రైవేట్ విమానయాన సంస్థ స్పైస్‌జెట్ మరో నూతన ఆఫర్‌ను ప్రకటించింది. బేస్ టికెట్ ధరలో 50 శాతం రాయితీ ఇవ్వనున్నట్లు వెల్లడించింది. ఈ నెల 28 వరకు అందుబాటులో ఉండనున్న ఈ ప్రత్యేక రాయితీ రెండు విడుతల వారిగా ఎప్పుడైనా ప్రయాణం చేయవచ్చును. అక్టోబర్ 28 నుంచి డిసెంబర్ 15 వరకు, జనవరి 15 నుంచి మార్చి 31 లోపు ఈ పథకం కింద బుకింగ్ చేసుకున్నవారు ప్రయాణం చేయవచ్చునని కంపెనీ వర్గాలు తెలిపాయి.

జి.మనోహర్