ఆ ఐదు రోజులు.. మోడీ చాలా బిజీ..

Posted: 09/24/2014 11:39 AM IST

అగ్రరాజ్యం అమెరికాలో ఐదు రోజుల పర్యటనలో భాగంగా భారత ప్రధాని నరేంద్రమోడీ పాకిస్థాన్ ప్రధాని నవాజ్ షరీష్ తో భేటీ అవుతారన్న వార్త కథనాలను భారత విదేశాంగ మంత్రిత్వ శాఖ తోసిపుచ్చింది. ప్రధాని మోడీ, షరీష్ తో భేటీ కారని స్పష్టంచేసింది. మోడీ ఈ నెల 26 నుంచి 30 వరకు ఐదు రోజుల పర్యటనలో అనేక మంది ప్రముఖులతో పాటు అమెరికా అధ్యక్షుడు బరాక్ ఒబామాను, మాజీ అధ్యక్షుడు బిల్ క్లింటన్ లను కలవనున్నారని విధేశాంగ శాఖ తెలిపింది. ప్రధాని వెంట భారత విదేశాంగ శాఖ మంత్రి సుష్మా స్వరాజ్ కూడా వుంటారని ఆ శాఖ అధికార ప్రతినిధి సయ్యద్ అక్బరుద్దీన్ తెలిపారు.

తన ఐదు రోజుల పర్యటనలో మోడీన 30 వ్యవహారాల్లో పాల్గొంటారని తెలిపారు. అమెరికా పరిపాలన, రాష్ట్ర నేతలు, వాణిజ్యవేత్తలు, ప్రవాస భారతీయులతో మోడీ భేటీ అవుతారన్నారు. ఈ నెల 29, 30న రెండు పర్యాయాలు మోడీ అమెరికా అధ్యక్షుడితో భేటీ అవుతారని చెప్పారు. వీరితో పాటు 29న అమెరికా మాజీ అధ్యక్షుడు బిల్ క్లింటన్, ఆయన సతీమణి హిల్లరీ క్లింటన్ లతో కూడా భేటీ కానున్నట్లు తెలిపారు. వీరితో పాటు బంగ్లాదేశ్, నేపాల్ ప్రధానులను కూడా మోడీ కలుస్తారని చెప్పారు. ఈ నెల 27న ప్రధాని మోడీ.. వరల్డ్ టవర్స్ ఘటన మృతులకు నివాళులు అర్పిస్తారని, లింకన్, మార్టిన్ లూధర్, మహాత్మాగాంధీలకు శ్రద్దాంజలి ఘటిస్తారని అక్బరుద్దీన్ తెలిపారు.

జి మనోహర్