ధోణికి కోపం వచ్చిందంటే.. ఇలానే వుంటుంది....

Posted: 09/19/2014 01:22 PM IST

సెలబ్రిటీస్కు కోపం వచ్చినా.. సంతోషం వచ్చినా.. పట్టలేమని భారత క్రికెట్ జట్టు కెప్టెన్ మహేంద్ర సింగ్ ధోని మరోసారి నిరూపించాడు. బిర్యాని తినడం కోసం ధోణి ఏకంగా హోటల్ ను మార్చేశాడు. నమ్మకం కలగడం లేదా.. ? ఉప్పల్ స్టేడియంలో జరిగే మ్యాచ్లో ఆడేందుకు హైదరాబాద్ వచ్చిన చెన్నై సూపర్ కింగ్స్ జట్టు గ్రాండ్ కాకతీయ హోటల్లో విడిది చేసింది. రాక రాక వచ్చిన అవకాశాన్ని అందిపుచ్చుకోవాలనుకున్నాడు ఆంధ్ర క్రికెటర్ అంబటి రాయుడు. దేశవిదేశాలకు చెందిన వారు ఎవరైనా హైదరాబాద్ కు వస్తే ముందుగా ఆస్వాదించేది హైదరాబాద్ బిర్యానియేనంటూ ధోణి వద్దకు వెళ్లి విషయాన్ని చెప్పాడు. తాను హైదరాబాద్ బిర్యానీని తీసుకువస్తానన్నాడు. అందుకు ధోని సానుకూలంగా స్పందించాడు.

దాంతో అంబటి రాయుడు ఇంటి నుంచి తయారు చేయించిన బిర్యాని తీసుకుని హోటల్ కు వచ్చాడు. కానీ ధోణి గదికి వెళ్లలేక పోయాడు. అంబటి రాయుడుతో హోటల్ యాజమాన్యం వాదనకు దిగింది. బయట ఆహారాన్ని హోటల్ యాజమాన్యం అనుమతించమంటూ అంబటిరాయుడుకి తేల్చి చెప్పింది. దీంతో చేసేది లేక అంబటి రాయుడు దోణికి అదే విషయాన్ని చెప్పాడు. దీంతో ధోణికి ఎక్కడ లేని కోపం వచ్చేసింది. అంబటి తెచ్చిన ఆహారాన్ని ఎందుకు అనుమతించలేదని అడిగాడు. బయటి ఆహారాన్ని తమ హోటల్ లోకి అనుమతించమని హోట్ యాజమాన్యం ధోణికి అదే విషయాన్ని చెప్పింది దీంతో చిరెత్తుకోచ్చిన ధోణి.. అప్పటికప్పుడు హోటల్ మారుతున్నట్లు ప్రకటించాడు. అక్కడి నుంచి నేరుగా తాజ్ కృష్ణ హోటల్ కు పయనమైయ్యాడు. ధోనికి కోపం వస్తే.. ఇలాగే వుంటుందంటూ బీసీసీఐ అధికారులు అనుసరించారు.

జి.మనోహర్