పనిమంతులారా.. తస్మాత్త్ జాగ్రత్తా..

Posted: 09/17/2014 09:16 AM IST

Hard workers have threat of cardiac problems

మీ పని విషయంలో మీ బాస్ ఎప్పడు మిమల్ని శభాష్ అని మెచ్చుకుంటున్నారా.. అందుకోసం మీరు రాత్రనకా, పగలనకా.. కష్టపడుతున్నారా..? అయితే ఒక్క క్షణం ఆగండి. నిర్ణీత పనిగంటల్లోనే పనిచేసి మీ బాస్ మెప్పు పొందండి. అంతకన్నా ఎక్కవ సయయం కష్టపడితే.. మీ ఆరోగ్యంపైనే ప్రభావం పడే అవకాశాలుంటాయి.

ఎందుకంటే, వారానికి 40 గంటలకు మించి పనిచేస్తే గుండెజబ్బులు వచ్చే ప్రమాదం ఎక్కువని ఓ అధ్యయనంలో వెల్లడైంది. అధికంగా పనిచేయడం వల్ల పదేళ్లలో గుండెజబ్బులు వచ్చే అవకాశాలున్నాయని తాజా అధ్యయనాలు వెల్లడిస్తున్నాయి. హృదయానికి రక్తప్రసరణ చేసే నాళాలు కుచించుకుపోయే ప్రమాదం ఉందని పరిశోధకులు హెచ్చరిస్తున్నారు. వారానికి 61 నుంచి 70 గంటలు పనిచేసేవారికి మిగిలివారి కంటే 42 శాతం అధికంగా ఇలాంటి ముప్పు ఉందని.. 71 నుంచి 80 గంటలు పనిచేసేవారికి 63 శాతం, 80 గంటలు దాటితే 94 శాతం అధికంగా ప్రమాదముందని పరిశోధకులు తెలిపారు. కొరియాకు చెందిన 8,350 మందిపై ఈ అధ్యయనం చేసిన పరిశోధకులు తాజా వివరాలను వెల్లడించారు.

జి.మనోహర్