ప్రిన్సిపల్ వల్గ గర్బవతైన 11ఏళ్ళ స్టూడెంట్

Posted: 09/17/2014 09:27 AM IST

తమిళనాడులో ఓ ప్రిన్సిపల్ వావి వరసలు మరిచి ప్రవర్తించారు. గురువు అనే విజ్ఞతను మరిచి స్టూడెంట్ పై అఘాయిత్యానికి పాల్పడ్డాడు. సంస్కారం మరిచి కళ్ళు మూసుకుపోయి చేసి పనికి 11ఏళ్ళ అమ్మాయి బలయింది. ఫలితంగా గర్బవతై వయస్సుకు మించిన భారాన్ని మోస్తోంది. తిరువణ్ణామలై జిల్లాలో జరిగిన ఉదంతం స్థానికంగా కలకలం సృష్టిస్తోంది. విద్యాబుద్దులు నేర్పి.., విద్యార్థులకు మంచి చెప్పాల్సిన ప్రిన్సిపల్ ఇలా దుర్బుద్దితో ప్రవర్తించటం పట్ల విమర్శలు వస్తున్నాయి. తిరువణ్ణామలై జిల్లాలోని సురకుంది గ్రామంలో 11ఏళ్ళ బాలిక స్థానిక పాఠశాలలో చదువుకుంటోంది. ఈ మధ్య ఆమెకు కడుపునొప్పిగా ఉందని చెప్పటంతో తల్లితండ్రులు ఆస్పత్రికి తీసుకెళ్ళారు.

పరీక్షలు చేసిన డాక్టర్లు.. అమ్మాయి గర్భవతి అని చెప్పారు. దీంతో అమ్మాయి తల్లితండ్రులు షాకయ్యారు. 11ఏళ్ళకే, అది పెళ్ళి కాకుండా గర్బవతి కావటమా అని కుమిలిపోయారు. అసలు విషయం గురించి అమ్మాయితో ఆరా తీయగా.., ప్రిన్సిపల్ నిర్వాకం బయటకు వచ్చింది. దీంతో రగిలిపోయిన కుటుంబ సభ్యులు స్కూల్ పై దాడికి దిగారు. అంతేకాకుండా అమ్మాయిపై అఘాయిత్యానికి పాల్పడ్డ కీచకుడిపై పోలిస్ స్టేషన్ లో ఫిర్యాదు చేశారు. చాలాకాలంగా తమ అమ్మాయిని లైంగికంగా వేధిస్తున్నాడని బాధితురాలి తల్లి ఫిర్యాదు చేసింది. కేసు నమోదు చేసిన పోలిసులు నిందితుడిని అరెస్టు చేశారు.

కార్తిక్