వందరోజుల్లో అద్భుతాలు ఎలా సాధ్యం.?

Posted: 09/17/2014 07:36 AM IST

కేంద్రంలో అధికారంలోకి వచ్చిన ఏ ప్రభుత్వం వందరోజుల్లో అద్భుతాలు చేయలేదని కేంద్ర పట్టణాభివృద్ధి శాఖ మంత్రి ఎం.వెంకయ్యనాయుడు చెప్పారు. అయినా ప్రధాని నరేంద్ర మోడీ వంద ముందడుగులు వేశారని ఆయన స్పష్టం చేశారు. వీటన్నింటినీ పార్టీ క్యాడర్ ప్రజల్లోకి తీసుకెళ్లాలని సూచించారు. దేశంలో బీజేపి పార్టీ ప్రతిష్ట కేవలం వంద రోజుల్లోనే దిగజారిపోయిందని, మోడీ మానియా బీజేపి కంచుకోట గుజరాత్ లోనే పనిచేయడం లేదన్న విమర్శలపై స్పందించిన ఆయన.. యూపీఏ ప్రభుత్వ హయాంలో తీసుకున్న నిర్ణయాల వల్ల దేశం ఆర్థిక ఇబ్బందులను ఎదుర్కోంటోందన్నారు. ద్రవ్యోల్భణం దిగిరావడంపైనే ప్రస్తుతం ప్రధాని దృష్టి సారించారని చెప్పారు. దేశ ప్రజలు ఎంతో మేలు చేయాలనే మోడీ తపన పడుతున్నారని వివరించారు. దేశవ్యాప్తంగా జరిగిన ఉప ఎన్నికల ఫలితాలపై ఆయన స్పందిస్తూ.. కేంద్రంలోని తమ ప్రభుత్వానికి ఎలాంటి ఢోకా లేదన్నారు.

ఆంద్రప్రదేశ్ లో కాంగ్రెస్ పార్టీ ఖాళీ అయిపోయిందని, ఇటీవల జరిగిన ఎన్నికలలో ఈ విషయం స్పష్టమయ్యిందన్నారు. కాంగ్రెస్ స్థానంలోకి బీజేపీని తీసుకువెళ్లేలా పార్టీ శ్రేణులు పనిచేయాలని కోరారు. పోలవరం ప్రాజెక్టుకు ప్రభుత్వం ప్రాధాన్యం ఇస్తోందని, ప్రాజెక్టు నిర్వాసితులకు కేంద్రమే ప్రత్యేక ప్యాకేజీ ఇస్తుందన్నారు. బకింగ్‌హామ్ కెనాల్‌ను శుభ్రం చేసి నౌకాయానాన్ని ప్రారంభిస్తామని చెప్పారు. దేశంలో ప్రత్యామ్నాయ శక్తిగా ఉన్న బీజేపీ.. రాష్ట్రంలో ప్రత్యామ్నాయ శక్తిగా మారాలన్నారు.  వంద రోజుల్లో తమ పార్టీపార్టీ రాష్ట్ర అధ్యక్షుడిగా హరిబాబును నిర్ణయిస్తూ జాతీయకౌన్సిల్ చేసిన ప్రతిపాదనను సమావేశం ఏకగ్రీవంగా ఆమోదించింది.

జి.మనోహర్