కేసీఆర్ కు కౌంటర్ ఇచ్చిన కేంద్రమంత్రి

Posted: 09/10/2014 01:26 PM IST

మీడియాను పది కిలోమీటర్ల లోతున తొక్కేస్తామంటూ సంచలన వ్యాఖ్యలు చేసిన తెలంగాణ ముఖ్యమంత్రి కేసీఆర్ పై కేంద్రమంత్రి వెంకయ్య నాయుడు అసహనం వ్యక్తం చేశారు. కేసీఆర్ వ్యవహార శైలి సరిగా లేదన్నారు. ముఖ్యమంత్రి అలా మాట్లాడకూడదని సూచించారు. మీడియా స్వేచ్చను ప్రతి ఒక్కరూ గౌరవించాలన్నారు. పత్రికా-మీడియా స్వేచ్చను తొక్కేస్తామన్నట్లు మాట్లాడటం మంచి పద్దత కాదని హితవు పలికారు. మీడియా సంస్థలు తప్పు చేసి ఉంటే చట్ట ప్రకారం చర్యలు తీసుకోవాలన్నారు. లేదా ప్రెస్ కౌన్సిల్ కు ఫిర్యాదు చేయాలి కానీ.., ఇలా బంద్ చేయటం సరికాదన్నారు.

అదే విధంగా ప్రభుత్వం నడిపే పెద్దలు సహనంతో ఉండాలన్నారు. ప్రజలు, ప్రతిపక్షాలకు గౌరవం, సముచిత స్థానం కల్పించాలన్నారు. లేకపోతే ఇబ్బందికర పరిణామాలు ఎదుర్కుంటారని హెచ్చరించారు. ఏబీఎన్, టీవీ9 ఛానెళ్ళ నిషేదంపై ఆ చానెళ్ళ్ జర్నలిస్టులు ధర్నాలు, రాస్తారోకోలు చేపడుతున్నారు. మంగళవారం హైదరాబాద్, వరంగల్ నగరాల్లో ధర్నాలతో హోరెత్తించారు. ఈ సందర్బంగా వారిని ఉద్దేశించి మీడియా అంటే తనకు కూడా గౌరవమనీ.., అయితే తెలంగాణ సంస్కృతిని, తెలంగాణ సమాజానికి వ్యతిరేకంగా వార్తలు వస్తే మాత్రం సహించమన్నారు. ఇక్కడ ఉంటూ ఇక్కడి సమాజానికి వ్యతిరేకంగా పనిచేస్తే పది కిలోమీటర్ల లోతున పాతరేస్తామని హెచ్చరించారు. దీనిపై జర్నలిస్టుల నుంచి విమర్శలు వస్తున్నాయి.

కార్తిక్