ఖైరతాబాద్ గణేషుడిపై పూల వర్షం : వీడియో

Posted: 09/09/2014 01:33 PM IST

రాష్ర్టంలోనే ప్రఖ్యాతి గాంచిన హైదరాబాద్ ఖైరతాబాద్ గణేషుడు మరో ప్రత్యేకతకు ప్రతీకగా నిలిచాడు. తెలంగాణ ప్రభుత్వం ఖైరతాబాద్ గణేషుడిపై పూలవర్షం కురిపించింది. నిమజ్జనంకు సిద్ధమైన వినాయకుడిపై ప్రత్యేక హెలికాప్టర్ ద్వారా మూడు టన్నుల గులాబి పూలను కురిపించారు. ఈ అద్బుతాన్ని చూసేందుకు జనం భారీగా తరలివచ్చారు. ముందుగా సోమవారం సాయంత్రమే పూలవర్షం కురిపిస్తారని ప్రచారం జరిగింది. అయితే పరిస్థితులు అనుకూలించకపోవటంతో కార్యక్రమాన్ని వాయిదా వేసుకున్నారు. అయినపప్పటకీ ఈ ఉదయం పూలవర్షం కార్యక్రమంలో భక్తులు పెద్ద సంఖ్యలో పాల్గొన్నారు.

భక్తులను కట్టడి చేయటం పోలిసులకు కష్టసాద్యమైంది. ఆకాశం నుంచి పూలవర్షం కురుస్తున్నంత సేపు ‘‘జై గణేషా., జై తెలంగాణ.., జే కేసీఆర్’’ నినాదాలతో ఖైరతాబాద్ పరిసరాలు హోరెత్తాయి. ప్రభుత్వ పూలవర్షం అందుకున్న మహా గణపతి సంతోషంగా నిమజ్జనానికి తరలాడు. తల్లి ఒడిలో చేరేందుకు బుడిబుడి అడుగులు వేస్తున్నట్లుగా వేల సంఖ్యలో వచ్చిన భక్తుల నామస్మరణల మద్య ప్రత్యేక వాహనం నిదానంగా ట్యాంక్ బండ్ కు కదలింది. వినాయకుడిని ప్రతిష్టించిన తెలుగు సంవత్సరాలు (60) పూర్తవటంతో.. వచ్చే ఏడాది నుంచి మహా గణేషుడి ఎత్తు ఒక్కో అడుగు తగ్గిస్తామని ఖైరతాబాద్ గణేష్ ఉత్సవ కమిటీ తెలిపింది.

కార్తిక్