నీటితో నిండిన జలాశయాలు

Posted: 09/07/2014 11:26 AM IST

Projects in telangana and ap full with water

వర్షాలు, ఎగువ నుంచి వస్తున్న వరద నీటితో తెలంగాణ, ఏపీల్లో డ్యాంలు నీటితో కళకళలాడుతున్నాయి. ఏపీలోని శ్రీశైలం జలాశయంకు వరద పోటెత్తుతోంది. శ్రీశైలంలో ప్రస్తుతం 884.90 నీటిమట్టం ఉంది. ఇక శ్రీశైలం నుంచి వస్తున్న వరద నీటితో సాగర్ లో కూడా నీటిమట్టం పెరుగుతోంది. సాగర్ లో ప్రస్తుతం 574అడుగులకు పైగా నీరుంది. ప్రాజెక్టు గరిష్ట నీటిమట్టం 590 అడుగులు. నీటి మట్టం పెరగటంతో అధికారులు వరద నీటిని దిగువకు వదులుతున్నారు.

ఇక ఖమ్మం జిల్లాలో విస్తారంగా కురుస్తున్న వర్షాలతో వాగులు వంకలు పొంగిపొర్లుతున్నాయి. గుమ్మడవల్లిలోని పెదవాగు ఉప్పొంగి ప్రవమిస్తోంది. అటు కిన్నెరసాని రిజర్వాయర్ కు భారీగా వరద వస్తోంది. ఏజన్సీలో కూడా వర్షాలు విస్తారంగా కురుస్తుండటంతో కంకల, రాచపల్లి, పాలెం వాగులు పొంగి ప్రవహిస్తున్నాయి. అటు శ్రీకాకుళం జిల్లాలోని వంశధార జలాశయంలో కూడా నీటి ఉదృతి కొనసాగుతోంది.

వర్షాకాలం పూర్తవుతుండగా వర్షం పడుతుండటంతో కాలం పోయిందని బాధపడాలో లేక.., వచ్చే వేసవికి కరువు తక్కువగా ఉంటుందని సంతోపడాలో తెలియటం లేదని రైతులు అంటున్నారు. అటు భూగర్బ జలాలను నమ్ముకుని వేసిన పంటలు ఈ అకాల వర్షాలతో దెబ్బతింటున్నాయి. దీంతో ఇన్నాళ్ళు వర్షాలు లేక బాధపడ్డ రైతులు ఇప్పుడు వర్షాలతో నష్టపోతున్నారు.

కార్తిక్