స్నేక్ గ్యాంగ్ కేసులో పోలిసుల సస్పెన్షన్

Posted: 09/05/2014 08:28 AM IST

స్నేక్ గ్యాంగ్ కేసును సైబరాబాద్ కమిషనర్ సీవీ ఆనంద్ సీరియస్ గా తీసుకున్నారు. ఈ కేసులో నిర్లక్ష్యంగా వ్యవహరించినందుకు సీఐ భాస్కర్ రెడ్డి, ఎస్సై వీర ప్రసాద్ లను ఆయన సస్పెండ్ చేశారు. గతంలో వీరిద్దరూ పహాడి షరీఫ్ ప్రాంతంలో విధులు నిర్వర్తించారు. స్నేక్ గ్యాంగ్ చాలాకాలంగా అఘాయిత్యాలకు పాల్పడుతున్నా వారిపై ఈ అధికారులిద్దరూ చర్య తీసుకోలేదని తెలుసుకున్న ఆనంద్.., ఇద్దర్ని ఇంటికి పంపించారు.

ఈ కేసును సైబరాబాద్ సీపీ ప్రత్యేకంగా పర్యవేక్షిస్తున్నారు. ప్రజలను భయపెట్టి డబ్బులు వసూలు చేయటమే కాకుండా. అమ్మాయిలను పాములతో భయపెట్టి అత్యాచారం చేయటాన్ని తీవ్రంగా పరిగణిస్తున్నారు. నిందితులను ఇప్పటికే అరెస్టు చేయటంతో పాటు.., అర్ధరాత్రి పహాడి షరీప్ ప్రాంతంలో రెండ్రోజుల క్రితం ఆకస్మిక తనిఖీలు నిర్వహించారు. గ్యాంగ్ ఉఫయోగించే గుర్రాలు, బైకులు, కార్లను సీజ్ చేశారు. వీరిపై బెదిరింపులు, నిర్భయ కేసులతో పాటు జంతువులను హింసించటం వంటి తీవ్రమైన అభియోగాలను నమోదు చేశారు. నిందితులెవరూ శిక్ష నుంచి తప్పించుకోకుండా పక్కా ఆధారాలను సేకరించి అందర్నీ బుక్ చేస్తున్నారు.

 

కార్తిక్