కార్తిక్ కష్టాలు.., లుకౌట్ నోటిసు జారీ

Posted: 09/04/2014 03:01 PM IST

కన్నడ నటిని మోసం చేసినట్లు ఆరోపణలు ఎదుర్కుంటున్న కార్తిక్ గౌడకు కష్టాలు మరింత పెరిగాయి. ఆయన కోసం ప్రత్యేక బృందాలతో గాలిస్తున్న పోలిసులు లుకౌట్ నోటిసు, అరెస్టు వారంట్ జారీ చేశారు. దీంతో కార్తి ఎక్కడ కన్పించినా అరెస్టు చేసే అవకాశం ఉంది. నటి మైత్రేయి పోలిస్ కేసు పెట్టినప్పటినుంచి అజ్ఞాతంలో ఉన్న కార్తిక్ గౌడ కోసం పోలిసులు తీవ్రంగా గాలిస్తున్నారు. కేసు తీవ్రత దృష్యా ప్రత్యేక బృందాలతో పలు ప్రాంతాల్లో వెతికారు. అయినా సరే ఆచూకి లభించకపోవటంతో చివరకు లుకౌట్ నోటిసు జారీ చేశారు. ఇక ఏ క్షణంలో అయినా కార్తిక్ అరెస్టు తప్పదని స్పష్టమవుతోంది.

కేంద్ర రైల్వే మంత్రి సదానంద గౌడ కుమారుడు కార్తిక్ గౌడ తనను రహస్యంగా పెళ్ళి చేసుకుని కొన్నాళ్లు కలిసి జీవించాడని.., ఇప్పుడు మరొక అమ్మాయితో పెళ్ళికి సిద్ధమవుతున్నాడని నటి మైత్రేయి ఆరోపిస్తోంది. కార్తి తనను మోసం చేశాడని ఆయనపై పోలిసులకు ఫిర్యాదు చేసింది. మైత్రేయి ఆరోపణలతో కేంద్ర మంత్రి కొడుకుపై పోలిసులు మోసం, అత్యాచారం కేసులు పెట్టారు. అటు ఈ వ్యవహారం రెండ్రోజుల క్రితం కొత్త మలుపు తిరిగింది. మైత్రేయి తనను పెళ్లి చేసుకుందని డైరెక్టర్ రుషి పోలిసులకు ఫిర్యాదు చేశాడు. ఇలా మలుపులు తిరుగుతున్న ఈ వ్యవహారం కార్తిక్ గౌడ ఆచూకి దొరికి ఆయన్ను విచారిస్తేనే ఓ కొలిక్కి వస్తుంది.

 

కార్తిక్