కేసీఆర్ కు కేంద్రమంత్రి చురకలు

Posted: 09/04/2014 09:22 AM IST

తెలంగాణ ముఖ్యమంత్రి కేసీఆర్. దేశ వ్యాప్తంగా గుర్తింపు పొందిన నేత. తెలంగాణ ఉద్యమంతో.., ప్రత్యేక రాష్ర్టం సాధించటంతో దేశ రాజకీయాల్లో ఆయన గుర్తింపు పొందారు. పట్టు వదలని మొండి ఘటంగా పేరు తెచ్చుకున్నారు. అయితే ఆయనపై కేంద్ర మంత్రులు సెటైర్లు వేస్తున్నారు. సారు చాలా బిజీ కదా మమ్మల్ని ఎక్కడ కలుస్తారు అంటూ ఎత్తి పొడుస్తున్నారు. తెలంగాణలో విద్యుత్ సమస్యపై ప్రశ్నించినపుడు కేంద్ర విద్యుత్ శాఖ మంత్రి పీయూష్ గోయల్ కేసీఆర్ కు చురకలు అంటించేలా మాట్లాడారు.

సారు బిజీ కదా.. ఇంకెప్పుడు కలుస్తారు ?

కొత్తగా ఏర్పడ్డ తెలంగాణలో విద్యుత్ సమస్యను ఎలా పరిష్కరిస్తారని కేంద్ర  మంత్రిని ప్రశ్నించగా.., తెలంగాణలో విద్యుత్ సమస్య ఉన్నట్లే తనకు తెలియదన్నారు. రాష్ర్ట ముఖ్యమంత్రి చెప్తేనే కదా కేంద్రానికి పరిస్థితి తెలుస్తుందన్నారు. అయినా సారు బిజీ కదా.., ఆయనకు మమ్మల్ని కలిసే టైం ఎక్కడుంటుందని సెటైర్లు వేశారు. తెలంగాణలో విద్యుత్ సమస్య పరిష్కరించేందుకు కేంద్రం సుముఖంగా ఉన్నప్పటికీ.., సమస్యపై ముఖ్యమంత్రి తమను ఇంతవరకూ కలవలేదన్నారు. ఇంక తామేం చేయగలమని ఎదురు ప్రశ్నించారు.

 

కార్తిక్