14ఏళ్ళ విద్యార్థినిపై గ్యాంగ్ రేప్

Posted: 08/31/2014 01:57 PM IST

A gang raped school going girl in uttarpradesh

దేశంలో ఆడవారు, అమ్మాయిలపై దాడులు ఆగటం లేదు. ప్రతిరోజు ఎక్కడో ఒకచోట లైంగిక దాడులు, అత్యాచారాలు జరుగుతున్నాయి. ఉత్తరప్రదేశ్ లో మరో దారుణం జరిగింది. బారాబంకీలోని రామ్ నగర్ ప్రాంతంలో స్కూల్ కు వెళ్ళి వస్తున్న 14ఏళ్ళ బాలికపై దుండగులు సామూహిక అత్యాచారం చేశారు. స్కూల్ కు వెళ్లి వస్తుండగా అడ్డుకున్న నలుగురూ ఆమెపై గ్యాంగ్ రేప్ కు పాల్పడ్డారు. తల్లతండ్రులకు విషయం చెప్పటంతో వారు పోలిసులకు ఫిర్యాదు చేశారు.

నలుగురు నిందితుల్లో ముగ్గరు అక్బర్, జబ్బీర్, ఇబ్బాల్ లను పోలిసులు అరెస్టు చేశారు. మరొక నిందితుడి కోసం ప్రత్యేక బృందాలు గాలిస్తున్నాయి. త్వరలోనే మరో నిందితుడిని పట్టుకుంటామని పోలిసులు తెలిపారు. అటు బాలికకు బారాబంకీ ఆస్పత్రిలో వైద్య పరీక్షలు నిర్వహించారు. అత్యాచారలను అడ్డుకోలేని రాష్ర్టంగా ఇప్పటికే ఉత్తరప్రదేశ్ అపఖ్యాతిని మూటగట్టుకోగా.., ఇది అఖిలేష్ సర్కారుకు మరో మాయని మచ్చ.

కార్తిక్