మెగా సిటీగా తిరుపతి

Posted: 08/31/2014 10:07 AM IST

ఏపీ డిప్యూటీ సీఎం కేఈ కృష్ణమూర్తి తిరుపతిలో పర్యటించారు. ఈ సందర్బంగా నగరంపై వరాల జల్లు కురిపించారు. తిరుపతిని త్వరలోనే మెగాసిటీగా అభివృద్ధి చేస్తామని చెప్పారు. ప్రజలకున్న తాగునీటి కష్టాలను త్వరలోనే తీరుస్తామన్నారు. పోలిసులు, మీడియా ప్రత్యేక చొరవతో ఇప్పటికే చాలావరకు ఎర్రచందనం స్మగ్లింగ్ అగిపోయిందన్నారు. ఇక భవిష్యత్తులో పూర్తిస్థాయిలో ఎర్రచందనం స్మగ్లింగ్ అడ్డుకుంటామన్నారు. ప్రభుత్వం వద్ద నిల్వ ఉన్న చందనంను ఆన్ లైన్ ద్వారా వేలం వేస్తామని చెప్పారు.

ప్రజల కష్టాలు తీర్చటమే లక్ష్యంగా ప్రభుత్వం పనిచేస్తుందన్నారు.  స్టాంపులు, రిజిస్ర్టేషన్ల ద్వారా ప్రభుత్వానికి మంచి ఆదాయమే వస్తుందని తెలిపారు. ఉదయం తిరుమలకు వెళ్ళిన మంత్రికి ఆలయ అధికారులు స్వాగతం పలికి ప్రత్యేక దర్శనం చేయించాయి. అనంతరం మంత్రికి తీర్థప్రసాదాలు అందించారు.

 

కార్తిక్