లాలూకు తీవ్ర అస్వస్థత, కౌంటింగ్ ప్రారంభం

Posted: 08/25/2014 09:44 AM IST

ఆర్జేడీ అధినేత లాలూ ప్రసాద్ యాదవ్ తీవ్ర అస్వస్థతకు గురయ్యారు. దీంతో కుటుంబ సభ్యలు వెంటనే ఆయన్న ముంబైలోని ఆస్పత్రికి తరలించారు. ఎమర్జెన్సి వార్డులో లాలూకు వైద్యులు చికిత్స అందిస్తున్నారు. అయితే లాలూ అనారోగ్యంకు గల కారణాలు ఇంకా తెలియరాలేదు. ఆయన ఆరోగ్యంపై అభిమానుల్లో ఆందోళన నెలకొంది.

ఎన్నికల కౌంటింగ్ రోజునే

గతవారం జరిగిన నాలుగు రాష్ర్టాల ఉప ఎన్నికల ఓట్ల లెక్కింపు ఉదయం ప్రారంభమైంది. పంజాబ్ లోని 2, మధ్యప్రదేశ్ లో 3, కర్ణాటకలో 3 స్థానాలతో పాటు బీహార్ లో 10 స్థానాలకు ఉప ఎన్నికలు నిర్వహించారు. బీహార్ లో చిరకాల రాజకీయ శత్రువుగా ఉన్న ఆర్జేడీ, జేడీయూలు ఈ దఫా  ఎన్నికల్లో బీజేపికి వ్యతిరేకంగా కలిసి మహాకూటమిగా పోటి చేశాయి. ఈ ఎన్నికల ఫలితాలు ఇవాళ విడుదలవుతుండగా.., లాలూ ప్రసాద్ అస్వస్థతకు గురయ్యారు. ఉప ఎన్నిక  ఫలితంపై ఆలోచించి ఆయన ఇలా అయి ఉంటారని సన్నిహితులు చెప్తున్నారు.

కార్తిక్