సింగపూర్ లో బిజినెస్ చేస్తున్న కేసీఆర్!

Posted: 08/21/2014 03:51 PM IST

తెలంగాణ రాష్ట్ర ముఖ్యమంత్రి కేసీఆర్ కు సంబంధించి తాజాగా ఓ వార్త వెలుగులోకి వచ్చింది. తన కెరీర్ లో ఇన్నాళ్లవరకు ఏ విదేశీ టూర్ కి వెళ్లలేదని చెప్పుకున్న కేసీఆర్.. తాజాగా మంగళవారం రాత్రి సింగపూర్ పర్యటనకు వెళ్లిన విషయం తెలిసిందే! అయితే ఆయన అక్కడికి వెళ్లడం ఆలస్యం.. అప్పుడే అక్కడ బిజినెస్ మొదలుపెట్టేసినట్టు వార్తలు వస్తున్నాయి. అయితే ఈ బిజినెస్ ఆయన తెలంగాన రాష్ట్రాభివృద్ధి కార్యక్రమ నేపథ్యంలో చేపడుతున్నారని మంత్రులు చెబుతున్నారు.

అసలు జరిగిన విషయం ఏమిటంటే... ప్రస్తుతం సింగపూర్ పర్యటనలో వున్న కేసీఆర్.. అక్కడ జరుగుతున్న ఒక బిజినెస్ సమ్మిట్ లో ముఖ్య అతిథిగా హాజరయ్యారు. సీఐఐ, తెలంగాణ ప్రభుత్వం, సింగపూర్ ఇండియన్ హైకమిషన్ ఆధ్వర్యంలో జరిగిన ఈ సమ్మిట్ లో.. తెలంగాణాలో పెట్టుబడులకు గల అవకాశాలపై ముఖ్యంగా చర్చించారు. ఈ కార్యక్రమంలో తెలంగాణ మంత్రి ఈటెల రాజేందర్ తోపాటు పలువురు ప్రభుత్వ అధికారులు కూడా పాల్గొన్నారు. దీంతో కేసీఆర్ సింగపూర్ లో బిజినెస్ పెట్టారంటూ కథనాలు వస్తున్నాయి. అదీ సంగతి!

AS