రాత్రి పడుకుంటే.. చనిపోతారు! జాగ్రత్త!

Posted: 08/21/2014 09:42 AM IST

Telangana people did not sleep full night for spreading rumours about sleep

ఇది పరిశోధనాత్మకంగా నిరూపించబడిన నివేదిక అయితే ఛస్తే మాత్రం కాదు! అలాగే హెచ్చరిక కూడా కాదు. మన భారతదేశంలో మూఢనమ్మకాలు చాలా ఎక్కువ కదండి... అందులో ఇది కూడా ఒక భాగమే! ఎవరో ఎక్కడో ఏదో వాగుగుంటూ వెళ్తుంటే.. అతను చెప్పిన మాటలు విని నిజమేనని భావించి ఒకరికొకరు చెప్పుకున్నారు. అది అలాగే మెల్లగా పాకి వైరస్ లా జిల్లా మొత్తం వ్యాప్తి చెందింది. అంతే! రాత్రి పడుకుంటే చనిపోతారనే వదంతులు రావడంతో జనాలంతా రాత్రంతా జాగారం చేశారు. ఇది సంఘటన జరిగింది మరెక్కడో కాదు.. తెలంగాణ రాష్ట్రంలోని వరంగల్, నల్గొండ, ఖమ్మం తదితర జిల్లాల్లో జరిగింది.

ఈ వదంతులు రాగానే నిజమేనని భావించిన తెలుగు ప్రజలు.. భయాందోళనలకు గురై రాత్రంతా జాగారం చేశారు. ఇంకొంమతందైతే మరీ విచిత్రంగా తమ ఇళ్లను వదిలి, వీధుల్లోనే సరదాగా గడిపారు. పిల్లల నుంచి పెద్దలవరకు అందరూ రాత్రంతా మేలుకొని, ఆటలు ఆడుకుంటూ కూర్చున్నారు. మరికొంతమంది ఎక్కడ చనిపోతామోనన్న భయంతోనే రాత్రంతా బిక్కుబిక్కుమంటూ గడిపారు. ఎవరైతే పడుకుంటున్నారో వారిని తట్టి మరీ లేపారు. ఇలా ఖమ్మం జిల్లా వ్యాప్తంగా వున్న ప్రజలు చేయగా... వరంగల్ జిల్లాలోని ములుగు, రేగొండ, ఖానాపూర్, మరిపెడ, కురవి, డోర్నకల్, నరసింహులపేట తదితర మండలాల్లో వదంతులు వ్యాపించాయి. అలాగే నల్గొండ జిల్లాలోని హుజూర్ నగర్, కోదాడ నియోజకవర్గాలు, దామచర్ల, నేరేడుచర్ల, నాంపల్లి, జాజిరెడ్డిగూడెం మండలాల్లో ఈ వదంతులు వ్యాపించాయి.

మొదట వారంతా జాగారం చేయడాన్ని చూసి ‘‘బహుశా వీరంతా పురాతన కాలంనాటి ఆచారాల నేపథ్యంలో ఇలా జాగారం చేసి వుండొచ్చు’’ అని భావించి వారిని అడిగితే... అసలు నిజమెంటో ఆ తర్వాత తెలిసింది. రానురాను మన దేశంలో మూఢనమ్మకాల ప్రబలం పెరిగిపోతోందికానీ.. అరికట్టడం మాత్రం సాధ్యం కావడం లేదు. మరి ఇలా ఇంకెన్నాళ్లు ఈ విధంగా జరుగుతూనే వుంటుందో! ఇదిలావుండగా... తెలంగాణ రాష్ట్రంలో గతరోజుల నుంచి భూకంప సంకేతాలు వస్తున్నట్టు వాతావరణ శాఖలు పేర్కొంటున్నాయి. దీంతో ప్రజలు నిత్యం అప్రమత్తంగా వుండాల్సిందిగా హెచ్చిరికలు జారీ చేశారు. ఆ నేపథ్యంలో రాత్రి సమయంలో ఎక్కడ భూకంపం వస్తుందోనన్న భయంతో ప్రజలు ఇలా జాగారం చేసి వుండవచ్చని కొంతమంది తెలుపుతున్నారు.