‘‘గూగుల్’’కు సముద్రపు నీరు తాగిపిస్తున్న ‘‘సొరచేప’’

Posted: 08/16/2014 08:28 PM IST

(Image source from: Sharks biting the cable wires of google in the seas)

ప్రపంచంలోనే ప్రముఖ సెర్చ్ ఇంజిన్ దిగ్గజం అయిన ‘‘గూగుల్’’కు సొరచేపలు ముచ్చెమటలు పట్టిస్తున్నాయి. బాహ్యప్రపంచంలో ఎంతోవేగంగా దూసుకుపోతున్న ఈ సంస్థను.. సముద్రంలో వున్న వేడిని ఈ చేపలు రుచి చూపిస్తున్నాయి. అదెలా అంటారా..? అయితే ఈ స్టోరీలోకి వెళ్లాల్సిందే!

ప్రపంచంతో ఇంటర్నెట్ అనుసంధానం కోసం సముద్ర అడుగుభాగాన ‘‘గూగుల్’’ సంస్థవారు ప్రత్యేకంగా కేబుల్ వైర్లను అమర్చారు. అయితే ఈ ప్రమాదకర చేపలు మాత్రం వాటిని కొరికేస్తున్నాయని సమాచారం! దీంతో ఖంగుతిన్న ఆ సంస్థవారు సముద్రపు జీవుల నుంచి తన కేబుళ్లను రక్షించుకునేందుకు గూగుల్ ఒక కొత్త విధానాన్ని రూపొందించింది. ఆ చేపలు తిరిగి కేబుల్ వైర్లను కొరకుండా వుండేందుకు ఒక నూతన కవచాన్ని అమర్చుతోంది. ఈ కవడం కెవ్లార్ వంటిదేనని... చాలా కఠినమైనది గూగుల్ వర్గాలు పేర్కొంటున్నాయి. ఈ కెవ్లార్ తోనే బుల్లెట్ ప్రూఫ్ జాకెట్లను తయారుచేస్తారన్న విషయం విదితమే!

షార్క్ లు కేబుల్ వైర్లను కొరుకుతున్నాయన్న విషయాన్ని 80వ దశకంలో వెలుగులోకి వచ్చింది. 1987లో అమెరికా నుంచి ఐరోపా, జపాన్ లతో సమాచార సంబంధాల కోసం ఏర్పాటు చేసిన కేబుల్ ఫైబరర్ ఆప్టిక్ కేబుళ్లను ఈ సొరచేపలు కొరికేయడంతో ప్రపంచవ్యాప్తంగా వున్న ఫోన్లు, కంప్యూటర్ లో మొరాయించాయని ఆ సంస్థ తెలిపింది.

అలాగే 1985లో కానదీ దీవి వద్ద సముద్రంలో ఏర్పాటు చేసిన కేబుళ్లను కూడా పరిశీలించగా.. వాటిలో కూడా సొరచేప దంతాలు చిక్కుకుపోయి వున్నట్లు ఆ సంస్థవారు తెలుపుతున్నారు. ఈ విషయాలను గ్రహించిన ఆ సంస్థవారు.. తిరిగి తమ కేబుల్ వైర్లను కేవ్లారర్ కవచంతో తయారుచేసి మళ్లీ ఏర్పాటు చేయడానికి సిద్ధమయ్యాయి. ఫైబర్ కేబుళ్ల చుట్టూ ఏర్పడే విద్యుదయాస్కాంత క్షేత్రానికి ఆకర్షితమవుతున్నందువల్లే సొరచేపలు వైర్లను కొరుతున్నాయని ఒక సిద్ధాంతం ప్రకారం వారు పేర్కొంటున్నారు.

AS