టీవీ9 - ఏబీఎన్ కోసం ఉరేసుకుంటున్న కేకే!

Posted: 08/08/2014 04:42 PM IST

Trs party mp k keshava rao comments tv9 abn andhra jyothy news channels suicide issue

టీఆర్ఎస్ ఎంపీ కేకే టీవీ9 - ఏబీఎస్ ఆంధ్రజ్యోతి న్యూస్ ఛానెళ్ల కోసం ఉరివేసుకుంటానని ఆయన బహిరంగంగా లోక్ సభలో పేర్కోనడంపై చర్చనీయాంశంగా మారింది. ఎప్పుడూ ఏదో ఒక విషయంపై వివాదం రేపుతూ వార్తల్లో కనిపించే ఈయన.. ఈసారి ఆయా న్యూస్ ఛానెళ్ల మీద కామెంట్ సెన్సేషన్ సృష్టించారు. ఆయా టీవీ ఛానెళ్లు ప్రవర్తించిన తీరుపై ఆయన ఉరివేసకుంటానని పేర్కొన్నారు.

రాజ్యసభలో కేకే టీవీ9 - ఏబీఎన్ న్యూస్ ఛానెళ్ల ప్రసారాల గురించి మాట్లాడుతూ... ‘‘తెలంగాణ ప్రభుత్వం మీడియాపై భావప్రకటన స్వేచ్ఛను హరించడం లేదు. ఆ రెండు ఛానెళ్లు తెలంగాణ మంత్రుల మీద చేసిన వ్యంగ్య వ్యాఖ్యలు చాలా అవమానకరమైనవి. అటువంటి పరిస్థితుల్లో వాటిని ఆపేయడంలో ఎటువంటి తప్పులేదు. తెలంగాణ ప్రభుత్వం వాటిని ఆపేసి సరైన చర్య తీసుకుంది. ఏపీ మీడియా ఛానెల్స్ అధినేతలు మొదట తప్పు చేస్తారు.. తర్వాత క్షమించమని కాళ్లమీద పడతారు. అంతటితో ఊరుకోకుండా తిరిగి మళ్లీ అవే తప్పులు చేస్తారు. అలా జరగడం కంటే వాటిని నిలిపివేయడమే శ్రేయస్కరం’’ అని స్పష్టం చేశారు.

ఇందులో భాగంగానే.. ‘‘తెలంగాణాకు సంబంధించిన వీ6, తెలంగాణ న్యూస్ ఛానెల్స్ ను ఆంధ్రలో నిలిపివేశారు. మరి దాని గురించి ఎందుకు ప్రశ్నించడం లేదు. ఆంధ్రాకు ఒక న్యాయం, తెలంగాణకు ఒక న్యాయమా..? ఇదెలా సాధ్యమవుతుంది. ఒకవేళ టీవీ9 - ఏబీఎన్ ఛానెల్స్ ను ఆపేయడం సరైన చర్య కాదని ఎవరైనా నిరూపిస్తే.. నేను రాజ్యసభలోనే ఉరివేసుకుంటాను. ఇందుకు ఎవరైనా సిద్ధంగా వున్నారా..?’’ అంటూ సవాల్ చేస్తూ ఆయన తన ప్రసంగాన్ని ముగించారు.