‘‘గూగుల్’’ కూడా భయపడి.. వెనకడుగు వేసింది!

Posted: 08/05/2014 03:40 PM IST

ప్రపంచ ప్రఖ్యాత ఇంటర్నెట్ సెర్చ్ ఇంజన్ అయిన ‘‘గూగుల్’’ కూడా మొదటిసారి భయపడి వెనకడుగు వేసింది. ప్రజలకు అన్నివిధాలుగా సేవలందించడంలో ముందుండే గూగుల్... ఏమైందో ఏమో తెలియదు కానీ హఠాత్తుగా వెనక్కి తగ్గింది. కొత్త కొత్త గేమ్, రకరకాల యాప్ లను సృష్టించే ఈ ప్రైవేట్ సంస్థ... ఈ నేపథ్యంలోనే తాజాగా రూపొందించిన ‘‘ఇజ్రాయెల్ -గాజా’’ కాన్సెప్ట్ తో ‘‘బాంబ్ గాజా’’ అనే ఒక మొబైల్ గేమ్ యాప్ ను ఉపసంహరించుకుంది.

ఈ ‘‘బాంబ్ గాజా’’ యాప్ పై తీవ్ర వ్యతిరేకత వ్యక్తమవుతున్న కారణంతోనే గూగుల్ ఇంక్ యాప్ స్టోర్ నుంచి దాన్ని తొలగించినట్లు ఆ సంస్థ ప్రతినిధితులు తెలిపారు. ఈ యాప్ స్టోర్ ఫీడ్ బ్యాక్ పేజీలో ఈ యాప్ పై తీవ్ర విమర్శలు రావడం వల్లే దీనిని తొలగించినట్టు ఆ సంస్థ అధికారులు స్పష్టం చేశారు. గూగుల్ విధానాలకు వ్యతిరేకంగా వుండే యాప్ లనుగానీ, సర్వీసులను గానీ తాము ఉపేక్షించబోమని వారు పేర్కొన్నారు.

సహజంగా ఈ గేమ్ ఎలా వుంటుందంటే.. ఇజ్రాయెల్ దళాలు గాజా స్ట్రిప్ పై దాడులు చేస్తూ వుంటాయి. ఆ సమయంలో యూజర్లు గాజా పౌరులను కాపాడేందుకు బాంబు దాడుల నుంచి జారవిడవాల్సి వుంటుంది. దీంతో ఇది పెద్ద దుమారంగా మారిపోయింది. ఒక్కొక్కరు ఒక్కొక్క రీతిలో విమర్శలు చేయడంతో దీనిని తొలగించడం జరిగింది. ఈ యాప్ ను ప్లేఎప్టీడబ్లూ రూపొందించింది. అయితే ఫేస్ బుక్ యూజర్లకు మాత్రం ఈ గేమ్ ఇప్పటికీ అందుబాటులో వుంది.

AS