మోదీ మీద పాఠాలు, విజయం మీద అధ్యయనం!

Posted: 07/20/2014 02:42 PM IST

Research on landslide victory of modi and bjp

మోదీ జీవిత చరిత్రను స్కూల్లో పాఠ్యాంశాలలో చేర్చాలని ప్రతిపాదనలు వచ్చాయి. దేశ నాయకుల గురించి పిల్లలకు బోధించటం ఎప్పటి నుంచో ఉన్నదే. గాంధీ, నెహ్రూలే కాకుండా అనేక మంది నాయకుల గురించి పాఠ్య పుస్తకాలలో పాఠాలు చోటుచేసుకున్నాయి. కానీ మోదీ అందుకు సమ్మతించలేదు. అలాంటి పని చెయ్యకండని కచ్చితమైన స్వరంలో చెప్పారు.

అయితే ఆయన విజయం మీద జరుగుతున్న అధ్యయనాన్ని మాత్రం నిలిపివేయమని ఆయన చెప్పలేరు. ఎందుకంటే దాన్ని నిర్వహిస్తున్నది ఇండియన్ ఇన్స్ స్టిట్యూట్ ఆఫ్ మేనేజ్ మెంట్, లక్నో బృందం. భాజపా కూడా ఊహించని రీతిలో ఉత్తరప్రదేశ్ లో మోదీ సాధించిన అఖండ విజయం మీద ఐఐఎమ్ అధ్యయనం చేపట్టినట్లుగా ప్రకటన జరిగింది.

అంతకు ముందు నామమాత్రంగా యుపి లో ఉన్న సీట్లు ఏకంగా 80 లో 72 స్థానాలను గెలుచుకోవటం సామాన్యమైన విషయం కాదు. మహా అయితే 40 స్థానాలను గెలుచుకోవచ్చని భాజపా కూడా ఊహించింది. ఒకపక్క కాంగ్రెస్ పార్టీ మరో పక్క వచ్చిన వెంటనే సంచలనాత్మకంగా ప్రఖ్యాతి గాంచిన ఆమ్ ఆద్ పార్టీ, మరో పక్క ముస్లిం సంఘాలు భారతీయ జనతా పార్టీకి వ్యతిరేకంగా పనిచేసినా, అందరి అంచనాలనూ తారుమారు చేస్తూ 2014 సార్వత్రిక ఎన్నికలలో అనూహ్యమైన విజయాన్ని పొందటం ఐఐఎమ్ పరిశోధకులకు శోధించటానికో ఆసక్తికరమైన విషయంగా మారింది.

-శ్రీజ